Ramman Trisit

मान्छेको माया यहाँ खोलाको पानी जस्तो
किनारालाई छोई भाग्ने लहरेको बानी जस्तो
मान्छेको माया यहाँ आँखाको नानी जस्तो
यो रात फकाई आउने सुन्दर विहानी जस्तो

माया त जोवनको आवेश मात्र नै हो

काठमाडौ, जेष्ठ १७ - ‘मान्छेको माया यहाँ खोलाको पानी जस्तो...’ होस् या ‘मैले पुन्य मन पराएँ या पाप मन पराएँ...’ जस्ता कालजयी गीतका रचयिता राममान ‘तृषित’को मंगलबार बिहान सवा चार बजे निधन भएको छ ।

विगत चार महिनादेखि दुवै मृगौलामा समस्या देखिएपछि सातामा दुई पटक डायलोसिस गराउँदै आएका उनी आफैं पनि चिकित्सक पेशामा समेत थिए । नेपालमै अकुपङ्कचर सेवाको पहिलो सुरुवात वीर अस्पतालमा सुरु गराएका ‘तृषित’ बहु आयामिक थिए ।

मैले पुण्य मन पराएँ या पाप मन पराएँ
जे होस मैले तिमीलाई चुपचाप मन पराएँ

जब फूल र काँडा दुईटा सँगै रमाउन सक्छ
जब दागको रङ्गमा पनि टिका समाउन सक्छ
नसोध मैले वरदान या श्राप मन पराएँ