Nepali Literature News नेपाली साहित्य खबर
काठमाडौं, जेष्ठ २७ / साहित्यकार गणेश रसिकलाई 'प्रवासी प्रभात पुरस्कार २०६७' प्रदान गरिने भएको छ । ब्रुनाईमा सम्पन्न प्रवासी नेपाली साहित्य समाजको बैठकले उक्त निर्णय गरेको हो ।
नेपाली साहित्य र सङ्गीत क्षेत्रमा निरन्तर योगदान गरेप्रति रसिकलाई उक्त पुरस्कार प्रदान गरिएको समाजका उपाध्यक्ष विश्वासदीप तिगेलाले विज्ञप्तिमा जनाएका छन् ।
काठमाडौ, जेष्ठ १७ - ‘मान्छेको माया यहाँ खोलाको पानी जस्तो...’ होस् या ‘मैले पुन्य मन पराएँ या पाप मन पराएँ...’ जस्ता कालजयी गीतका रचयिता राममान ‘तृषित’को मंगलबार बिहान सवा चार बजे निधन भएको छ ।
विगत चार महिनादेखि दुवै मृगौलामा समस्या देखिएपछि सातामा दुई पटक डायलोसिस गराउँदै आएका उनी आफैं पनि चिकित्सक पेशामा समेत थिए । नेपालमै अकुपङ्कचर सेवाको पहिलो सुरुवात वीर अस्पतालमा सुरु गराएका ‘तृषित’ बहु आयामिक थिए ।
२९ मे/ नेपाली साहित्य प्रतिष्ठान, उत्तर अमेरिकाले प्रथम अन्तराष्ट्रिय नेपाली महिला साहित्यकार सम्मेलन गर्ने भएको छ । अमेरिकाको वासिंगटन डिसीमा आगामी जुलाईको पहिलो हप्तामा हुन लागेको एसोसिएसन अफ नेपलिज इन अमेरिका (एएनए) को २९ औं वार्षिक सम्मेलनको अवसरमा प्रतिष्ठानले उक्त सम्मेलन आयोजना गर्न लागेको हो ।
९ जेठ, कथामाडौँ / २०६८ सालको युगकवि सिद्धिचरण पुरस्कारबाट वरिष्ठ साहित्यकार इन्द्रबहादुर राई सम्मानित भएका छन् । युगकवि सिद्धिचरणको स्वर्ण शताब्दी वर्षका अवसरमा राजधानीमा आयोजित कार्यक्रममा राष्ट्रपति डा. रामवरण यादवले साहित्यकार राईलाई पुरस्कार अर्पण गर्नुभयो ।
युगकवि सिद्धिचरण प्रतिष्ठानले आयोजना गरेको कार्यक्रममा ५० हजार रुपैयाँसहितको पुरस्कारबाट राई सम्मानित भएका हुन् । तेस्रो आयामका प्रणेतामाध्येका एक राई साहित्यकार राई समालोचना र कथाका क्षेत्रमा सम्मानित हस्ती हुन् ।
जेष्ठ ७, काठमाडौं - ‘त्यो बेला नेपालमा कथाहरू त लेखिन्थे, तर राम्रा कथाहरूको अभाव थियो । अहिले उत्कृष्ट कथा लेख्ने युवा कथाकारहरूको आगमनले स्थिति बदलिएको छ’, रमण घिमिरे आफ्नो पत्रकारिता कर्ममा आधा दशकअगाडि झेलेको कठिनाइ सम्झँदै थिए । घिमिरेले भने झैं त्यो कठिनाइ बिर्साउने गरी शनिबार एउटा कथाकृति सार्वजनिक भएको छ । भृकुटीमण्डपमा चलेको पुस्तक मेलाको आडैमा भएको कार्यक्रममा उनै घिमिरे र कवि एवम् कथाकार राजेन्द्र पराजुलीले २५ युवा कथाकारको कथा समेटिएको कृति ‘आजका नेपाली कथा’ विमोचन गरे । युवा कवि तथा कथाकार अनमोलमणिले सम्पादन गरेको पुस्तकमा समकालीन नेपाली कथालेखनमा कलम चलाइरहेका २५ कथा
जेष्ठ ४ काठमाडौं/रास- पछिल्लो सयम पत्रकारले उपन्यास लेख्ने क्रम फस्टाएको छ । पत्रकार नारायण वाग्लेले दुइओटा नेपाली उपन्यास लेखेर मदन पुरस्कारसँगै चर्चा बटुले । यसै क्रममा अग्रज पत्रकार किशोर नेपालले पाठकसामु आफनो नयाँ साहित्यिक कृति पाताल (उपन्यास) ल्याएका छन् ।
भृकुटीमण्डपमा शनिबारदेखि चलिरहेको शैक्षिक मेला तथा पुस्तक पर््रदर्शनीको एक समारोहबीच रंगकर्मी सुनिल पोखरेल र निशा शर्मा पोखरेलले सो उपन्यासको बुधबार विमोचन गरे ।
'हामीले अभिभावक मान्दै आएको किशोर दाइ यो पुस्तक विमोचन गर्न पाउँदा खुसी लाग्यो,' सुनिल पोखरेलले भने ।
काठमाडौं, जेठ ४/ अघिल्ला दुई कृतिमा चंकी श्रेष्ठको चिनारीमा रहेका सर्जक आफ्नो पहिलो कथासंग्रहसहित बेग्लै परिचय बोकेर आएका छन् । उनै चंकी नेपाली साहित्यमा अभय श्रेष्ठको रूपमा औपचारिक प्रवेश गरेका छन् १५ कथाहरूको सँगालो ‘तेस्रो किनारा’को साथमा । यसअघि श्रेष्ठको २०६० मा फूलबिनाको शाखा गजलसंग्रह र २०६२ मा कायाकल्प कवितासंग्रह प्रकाशन भइसकेको छ ।
पुस्तक विमोचन कार्यक्रममा कथाकार अभयले संग्रहका कथाहरू आफ्नै भोगाइ र आत्मदर्शनका प्रकाशन भएको बताए । अ.त.को सत्याग्रह शीर्षकको लामो कथा समेत रहेको पुस्तकलाई सांग्रिला बुक्सले प्रकाशन गरेको हो ।
मे १८ भक्तपुर/ भक्तपुर साहित्यिक समाजको स्वर्णगजुर लोकार्पण तथा साहित्यिक रचना सुन्ने-सुनाउने कार्यक्रम सम्पन्न भएको छ । शान्ति र संविधानको लागि स्रष्टा आवाज भन्ने मूल नाराका साथ सुरु भएको सो कार्यक्रममा पागल यात्री,विमल प्रधान,विकास प्रहर,जितेन्द्र रसिक,अपु मञ्जरी, रञ्जिता थापा, मंगल लामा,मनोज तामाङ्,श् याम आशा,भावना सुवेदि,सरु श्रेष्ठ,आर डि अभागी,शुष्मा दाहाल,आशाकुमार चिकंवन्जार लगायत पचासौं स्रष्टाहरुले शान्ति र संविधानको पक्षमा गीत,गजल गाउनुका साथै व्यंग्य कविता,लघुकथा र विविध रचनाहरू वाचन गरेका थिए ।