Acharya Prabha

उता घर, आँगनमा 

दशैंको जमरामा 

सरर हावा बयेली खेल्दै 

मनोरम उच्छवासको 

आनन्द लिँदै होला 

यता प्रवासी मन 

बिगतका दशैहरु 

सम्झँदै भक्कानिन्छ 

बेस्सरी।

निधारभरि मान्यजनहरुका 

आशिषसरिका 

चामल टिको र दुबो,जमरा 

नैराश्यका धमिला पानाहरु 

बनेर छताछुल्ल 

आँखाभरि पोखिन्छन्

केवल सम्झना र चाहनाहरु 

पानी बनाई बगाउनु सिवाय 

अरु के, नै, पो

बिकल्प छ र ?

स्वार्थ अनि पीडा जति भो जगतमा
यस्तै दुखद हाल कति भो जगतमा ।

छैन अब केही स्वच्छ यो संसारमा
हेर्दाहेर्दै अधोगति भो जगतमा ।

कान्छी छोरीको विवाह हुन नसकेकोमा उनी असाध्यै चिन्तित थिइन् । हुन पनि त हो, उमेर पुगिसक्दा समेत कुनै केटोले फर्केर नहेर्नु, माग्नसम्म न आउनु कुनै पनि आमाको लागि चिन्ताको बिषय नै बन्छ ।