Audio/Video

बादल बनाइदेऊ आकार बदल्न सकूँ
क्षमता दिलाइदेऊ जिउँदै म जल्न सकूँ

जाऊँ कसरी जाऊँ आफ्नै लाशको मलामी
चुपचाप सहूँ कसरी आफ्नै बदनामी
सस्तो बनाइदेऊ बजारमा चल्न सकूँ

मान्छेको माया यहाँ खोलाको पानी जस्तो
किनारालाई छोई भाग्ने लहरेको बानी जस्तो
मान्छेको माया यहाँ आँखाको नानी जस्तो
यो रात फकाई आउने सुन्दर विहानी जस्तो

माया त जोवनको आवेश मात्र नै हो

तिमी तारे भीर म त लहरा
तिमी मै म लहराउँछु तिमी सहारा

तिम्रो आँखा-आँखा मेरो खेल्ने आँगन
तिमी भित्र-भित्रै मेरा जूनतारा छन्
इर्ष्यालु आँखा बगाउँछन् छहारा
तिमी मै म लहराउँछु तिमी सहारा

पर लैजाऊ फूलहरू छोपिदेऊ तारा जून
बन्द गर गीतहरू तिम्रो याद आउने सबै चिजहरू

शहरको भीडमा म एक्लो हल्लाले छुँदैन
रानीवनको एकान्तमा पनि मन चुप हुँदैन
पहाडमा पनि शान्ति छैन
तिम्रो याद नआउने कुनै ठाँवै छैन

संसारदेखि भागुँला तिमीबाट सक्दिन
आत्तिएर मन उड्न खोज्छ तर मुक्ति पाउँदिन
सपनामा पनि शन्ति छैन
तिम्रो याद नआउने कुनै ठाँवै छैन

तिमी आउँछ्यौ भन्ने आशै आशमा
बाटोभरि आँखा ओछ्याइरहन्छु
तिमी सागर भई जता बगे पनि
म किनार भई पछ्याइरहन्छु

तिमीले नदी किनारमा गएर सुन्नू
म कल्कलाएको हुन्छु
म तिम्रो मुटुको ढुकढुकीमा

बनेको छ पहराले यो छाति मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो

खोसेको रोटीले मेरो पेट भरिन्न
मागेको धोतिले मेरो लास छोपिन्न

गहिराइमा डुब्दै नडुब
डुबिसकेको छौ भने मोति नटिपी नफर्क

पन्छिएर हैन गहिरिएर जाऊ
जीवनलाई बुझ्ने रहर छ भने
कि त लुकेर बस मृत्यु कुरेर
समस्याहरूसँग डर छ भने

आउँछन् धेरै उकालो ओरालो

म मरे पनि मलाई मेरो देशको माया छ
यो छातीभरि मुरीका मुरी नेपालको माया छ

म खेलेँ जहाँ म हुर्कें जहाँ त्यही आँगन प्यारो छ
यो छातीभित्र लुकेर आउने माया नै माया छ

सेरो र फेरो यो देश मेरो माटोको माया छ
वीरका छोरा नेपाली मेरा पूर्खाको माया छ

जहाँ म जाऊँ नेपाली हुँ म नेपालको माया छ
धर्तिमा मेरो भन्ने नै यही छ यसैको माया छ

बिहान उठ्ने बित्तिकै हिमाल देख्न पाइयोस्
यी हातले सँधैसँधै नेपाल लेख्न पाइयोस्

नेपाली श्रम र सिपको प्रभाव दिगन्त फैलियोस्
मलाई टेकी खुड्किलो यो देश माथि उक्लियोस्

तिमीलाई भुल्दा म एक्लो परेछु
तिमीलाई सम्झेँ तिमी साथ आयौ
कुनै चिज मीठो म खोजिरहेथे
म सोचिरहेथे तिमी याद आयौ

उज्यालो बढे झैँ भयो आज झन् झन्
उज्यालो त मुस्कानले बढ्छ भन्छन्