Ramesh Khakurel

साहित्यको कुम्भ मेला / रमेश खकुरेल

No votes yet

Raksi Festivalआज साहित्यको कुम्भ मेला थियो
दीप नै लाख पर्ने बलेको थियो
ब्ल्याक लेभल् त खोलो बगेको थियो
शव्द बेपार राम्रै जमेको थियो ।

को कता को कता खूब चर्चा थियो
झुण्डपिच्छे कुनै एक झण्डा थियो
धेर यात्री थिए एक पण्डा थियो
भाउ मिल्ने कुरा मात्र चन्दा थियो ।

Segments: 

दशैं / रमेश खकुरेल

Your rating: None Average: 5 (1 vote)

गइन् वर्षा नानी खुलुखुलु पखालेर धरती

शरत् हाँस्तै आयो सबसित लगाएर पिरती

सफा चिल्ला राम्रा तरु बनहरू पात हरिया

फलेका छन् नाना फलफुलहरू टम्म रसिला ।

 

सकी खेती पाती कृषकजनले फुर्सत लिए

घट्यो चर्को गर्मी न त छ सरदी ठिक्क समय

यही मौका पारी घर घर दसैं आगमन भो

खुशीको वेलामा जुरुजुरु यसै नाच्न मन भो ।

 

जगन्माता सृष्टि स्थिति प्रलय गर्ने भगवती

उनै काली वाणी सहित धनलक्ष्मी शुभ गति

गरी पूजा आजा जगमग उमारेर जमरा

यही माग्छौं आमा छर करुणता प्रेम छहरा ।

 

Segments: 

सुखी रहू / रमेश खकुरेल

No votes yet

तिमी सधैं सुखी रहू सधैं सधैं खुशी रहू
हजार वर्षमा अझै हजार नै थपी जिऊ
निरोग देह भैरहोस् मुहार हास्य चम्कियोस्
महेशको कृपाकटाक्ष नित्य नित्य बर्सियोस्।

Segments: 

प्रभुको पदमा मन लागिरहोस् / रमेश खकुरेल

No votes yet

प्रभुको पदमा मनलागिरहोस्
उपकारतिरै धन लागिरहोस्
जुन कर्म गरूँ म सुकर्म हओस्
जुन शव्द भनूँ शुभ शव्द बनोस्।

Segments: 

सहमति / रमेश खकुरेल

No votes yet

सहमति हुनु राम्रो, छैन अर्को विकल्प
यति सहमतिबाटै ज्ञात भो निर्विकल्प
तर सहमति गर्ने साइतै आउँदैन
बरु सहमति तोड्ने यत्न बाँकी गरिन्न।

Segments: 

Comments

Recent Comments

About Online Sahitya

Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.