Kaliprasad Rijal

कता जाँदैछ आधुनिक गीत / कालीप्रसाद रिजाल

Nepali Singersमैले थाहा पाएसम्म सात साल पहिले नेपालका शहरी क्षेत्रमा हिन्दी गीतको बोलवाला थियो धार्मिक समारोहमा पनि हिन्दी भजन गाउने चलन थियो स्कूलको प्राङ्गणमा हिन्दी प्रार्थना गरेर मैले एसएलसी पास गरेको हुँ धरानमा पहाडबाट र्झर्ने ढाक्रेहरूले लोकगीत गाउँथे मास्टर मित्रसेनका केही गीत मैले त्यतिबेलै सुनेको थिएँ तर त्यस्ता गीतलाई सम्भ्रान्त शहरियाहरूले हल्का रूपमा लिने गर्थे सात सालमा प्रजातन्त्र रेडियोबाट रानुदेवीका गीत सुन्न पाइयो सेतुराम, मेल्वादेवी, उस्ताद साहिँला, मिस प्रभाका गीत धेरैपछि काठमाडौँमा सुनेको हुँ धर्मराज थापाले ठाउँठाउँमा गाएर लोकगीतको लहर ल्याएपछि नै शहरिया समाजमा लोकशैलीका गीतले प्रतिष्ठा पाउन थालेका हुन्

Segments

बिहान उठ्ने बित्तिकै हिमाल देख्न पाइयोस् / कालीप्रसाद रिजाल

बिहान उठ्ने बित्तिकै हिमाल देख्न पाइयोस्
यी हातले सँधैसँधै नेपाल लेख्न पाइयोस्

नेपाली श्रम र सिपको प्रभाव दिगन्त फैलियोस्
मलाई टेकी खुड्किलो यो देश माथि उक्लियोस्

Segments

केही मिठो बात गर रात त्यसै ढल्किँदै छ/कालीप्रसाद रिजाल

केही मिठो बात गर रात त्यसै ढल्किँदै छ
भरे फेरि एकान्तमा रुनु त छँदै छ

रमाइलो कुरा गर सपनाको कुरा गर
संगसंगै बिताएको सम्झनको कुरा गर
दुख छोड, दुख़लाई त जिन्दगानी छँदै छ

Segments

शाश्वत हुँदैन कुनै पनि अर्थ / कालीप्रसाद रिजाल

साहित्यमा रमाइलो कुरा के छ भने लेखकले लेख्छ, अर्थ लगाउँछन् अरूहरूले । रचना प्रकाशित भएपछि त्यसको आफ्नै अर्थ लगाउन वा आफ्नै किसिमले ग्रहण गर्न पाठक स्वतन्त्र हुन्छन् । सार्वजनिक भएको रचना रचनाकारको वशमा हुँदैन ।

Segments

छेस्का कविता / कालीप्रसाद रिजाल

कहाँ जानु ?

कहाँ कहाँ भौँतारिनु ?

नचिनेको

कहिल्यै नदेखेको

देउता खोज्न ?

मैले त हातको फूल

आमाको चरणमा

राखिदिएँ !

कविता

मान्छेको मनभन्दा

बृहत् ग्रन्थ

आजसम्म मैले देखेको छैन

ओठको मुस्कान

र आँखाको आँसुजस्तो

मार्मिक कविता

मैले आजसम्म

पढेको छैन ।

(Source: Madhuparka)

Segments