Bhimdarshan Roka
Nepal Dekhda Katai Dekheko Jhain / Bhim Darshan Roka
नेपाल देख्दा कतै देखेको झैँ / भीमदर्शन रोका
नेपाल देख्दा कतै देखेको झैँ,
बिहान कतै आँगन टेकेको झैँ,
यस्तो लाग्यो हृदयमा मेरो,
सपनामा कतै भेटेको झैँ,
नेपाल देख्दा कतै...।
टाढा टाकुराबाट गाएको झैँ,
पहराबाट गोरेटो आएको झैँ,
यस्तो लाग्यो हृदयमा मेरो,
चिर प्रवासको पसिना मेटेको झैँ,
नेपाल देख्दा कतै...।
Author
Segments
Language
Nadi Kinarma / Bhimdarshan Roka
नदी किनारमा / भीमदर्शन रोका
बितोस् सन्ध्या मेरो एक नदीको किनारमा
होला घाम पश्चिमी बादलको पुछारमा
डुबेको होला वन र पाखा झिंगुरको झङ्कारमा्
डुबेको हुँला म पनि एक गहिरो विचारमा
बितोस् सन्ध्या........
पन्छीहरु सबै जालान् आफ्नो आफ्नो वासमा
एक्लै हुँला तर म त्यहाँ टाढाको आशमा
बितोस् सन्ध्या.........
चिसो बतास आई फकाउला मलाई
तब उदय होला तारा मेरो पूर्वको दुवारमा
बितोस् सन्ध्या......
World Classics
Author
Language
Mero Aawaj / Bhimdarshan Roka
Manbhari Budhiya / Bhimdarshan Roka
Lagirahechha Aago / Bhimdarshan Roka
... Kurirahechhu / Bhimdarshan Roka
Kuhiro / Bhimdarshan Roka
कुहिरो / भीमदर्शन रोका
पर पहाडमाथि
पहाडभन्दा गरुङ्गो
तर स्पर्शभन्दा हलुङ्गो
लाम लागेर बिस्तार बिस्तार
उकालो चढिरहेछ कुहिरो
र
म पनि चढिरहेको छु
आफ्नै उकालाहरु
उसको समानान्तर एकले अर्कालाई हेर्दै
पहरा खोँच र खाडल तर्दै
उभिरहेछु पहरा र भीरहरुमा
बाढी र भेल बोक्ने नदीका तीरहरुमा
हिँडिरहेछु एक्लै एक्लै
क्षितिजपारिको आकाश हेर्दै
बादल भित्र आफ्नो आकार कोर्दै ।
Author
Language
Ko Aaunchha Mero Geet Khosna / Bhimdarshan Roka
को आउँछ मेरो गीत खोस्न / भीमदर्शन रोका
को आउँछ मेरो गीत खोस्न ?
एक्लै सफरमा मेरो मीत खोस्न,
सीमा नै टपिसकेको छु मैले,
को आउँछ मेरो जीत खोस्न ?
को आउँछ मेरो गीत खोस्न ?
एक्लै सफरमा मेरो मीत खोस्न ।
वर्तमान तिम्रो छ,
भविष्य मेरो होला,
को आउँछ मेरो अतीत खोस्न ?
को आउँछ मेरो गीत खोस्न ?
एक्लै सफरमा मेरो मीत खोस्न ।
Author
Language