Bhimdarshan Roka

Nepal Dekhda Katai Dekheko Jhain / Bhim Darshan Roka

नेपाल देख्दा कतै देखेको झैँ / भीमदर्शन रोका

नेपाल देख्दा कतै देखेको झैँ,
बिहान कतै आँगन टेकेको झैँ,
यस्तो लाग्यो हृदयमा मेरो,
सपनामा कतै भेटेको झैँ,

नेपाल देख्दा कतै...।

टाढा टाकुराबाट गाएको झैँ,
पहराबाट गोरेटो आएको झैँ,
यस्तो लाग्यो हृदयमा मेरो,
चिर प्रवासको पसिना मेटेको झैँ,

नेपाल देख्दा कतै...।
Segments

Nadi Kinarma / Bhimdarshan Roka

नदी किनारमा / भीमदर्शन रोका

बितोस् सन्ध्या मेरो एक नदीको किनारमा
होला घाम पश्चिमी बादलको पुछारमा

डुबेको होला वन र पाखा झिंगुरको झङ्कारमा् 
डुबेको हुँला म पनि एक गहिरो विचारमा
बितोस् सन्ध्या........

पन्छीहरु सबै जालान् आफ्नो आफ्नो वासमा
एक्लै हुँला तर म त्यहाँ टाढाको आशमा
बितोस् सन्ध्या.........

चिसो बतास आई फकाउला मलाई
तब उदय होला तारा मेरो पूर्वको दुवारमा 
बितोस् सन्ध्या......
World Classics

Mero Aawaj / Bhimdarshan Roka

मेरो आवाज / भीमदर्शन रोका

धरै मानिसहरुको एउटा ठूलो आवाज आउनेछ 
तिमी ध्यानले सुनिरहनू
त्यसमा मेरो पनि आवाज हुनेछ
फेरि झन् झन् ठूलो हुँदै जानेछ ।

आकार यसको, सूर्यमण्डलजस्तो
घामवरिपरि सभा लागेजस्तो
राती भए चन्द्रसभा
बसिरहेका तारैतारा
चक्रैचत्र
सफा शुभ्र
बाहिर भित्र
Segments

Manbhari Budhiya / Bhimdarshan Roka

मनभरि बुढिया / भीमदर्शन रोका

बौद्ध मन्दिरको विशेषता
सन्तुलित, खँदिलो, बेजोड सीप कलाको
मन्दिरभित्र मन्दिरैमन्दिर
पत्रैपत्र चट्टान
टन्न बजिरहेको धातु
टम्म बसेको इँटहरुको बनोट
सधैँ अडिरहने अठोट ।
Segments

Lagirahechha Aago / Bhimdarshan Roka

लागिरहेछ आगो / भीमदर्शन रोका

आगो आफै त के लाग्ला
कसैको गल्तीले लागेको होला
अथवा जानी जानी कसैले लगाएको
त्यस्तो किन गरेको होला ?
सोध न सोध, केही त भन्ला ।
Segments

... Kurirahechhu / Bhimdarshan Roka

...कुरिरहेछु / भीमदर्शन रोका

म पनि सँगसँगै उभेको थिएँ
यौटै उत्साह, यौटै उमङ्ग तिएर ।
साथीहरु शहीद भएपछि
एक किसिमको उज्यालो हराएपछि
खरानीहरुको थुप्रो लिएर
कुरिरहेछु, कुरिरहेछु !
Segments

Kuhiro / Bhimdarshan Roka

कुहिरो / भीमदर्शन रोका

पर पहाडमाथि
पहाडभन्दा गरुङ्गो
तर स्पर्शभन्दा हलुङ्गो
लाम लागेर बिस्तार बिस्तार
उकालो चढिरहेछ कुहिरो
म पनि चढिरहेको छु
आफ्नै उकालाहरु
उसको समानान्तर एकले अर्कालाई हेर्दै
पहरा खोँच र खाडल तर्दै

उभिरहेछु पहरा र भीरहरुमा
बाढी र भेल बोक्ने नदीका तीरहरुमा
हिँडिरहेछु एक्लै एक्लै
क्षितिजपारिको आकाश हेर्दै
बादल भित्र आफ्नो आकार कोर्दै ।

Ko Aaunchha Mero Geet Khosna / Bhimdarshan Roka

को आउँछ मेरो गीत खोस्न / भीमदर्शन रोका

को आउँछ मेरो गीत खोस्न ?
एक्लै सफरमा मेरो मीत खोस्न,

सीमा नै टपिसकेको छु मैले,
को आउँछ मेरो जीत खोस्न ?

को आउँछ मेरो गीत खोस्न ?
एक्लै सफरमा मेरो मीत खोस्न ।

वर्तमान तिम्रो छ,
भविष्य मेरो होला,
को आउँछ मेरो अतीत खोस्न ?

को आउँछ मेरो गीत खोस्न ?
एक्लै सफरमा मेरो मीत खोस्न ।

Kayaun Batobata Aaeko Hun / Bhimdarshan Roka

कैयौं बाटोबाट आएको हुँ / भीमदर्शन रोका

कैयौँ बाटोबाट आएको हुँ
कैयौँ गीत गाएको हुँ
पर्वत बनी उभिएको हुँ
नदी नाला बनी आएको हुँ
कैयौँ बाटोबाट आएको हुँ ।

हुरी बनी दगुरन्छु म
छायाँ बनी बिसाएको हुँ
यौवन बनी ढल्कन्छु म
माया बनी आएको हुँ

कैयौँ बाटोबाटा आएको हुँ ।
Segments