Loading

प्रभुको पदमा मन लागिरहोस् / रमेश खकुरेल

प्रभुको पदमा मनलागिरहोस्
उपकारतिरै धन लागिरहोस्
जुन कर्म गरूँ म सुकर्म हओस्
जुन शव्द भनूँ शुभ शव्द बनोस्।

न कसैसित रोष रहोस् मनमा
अभिमान नहोस् बलमा धनमा
करुणा सब जीव जगत् जनमा
अनि संगति होस् बुध सज्जनमा ।

सब जीव चराचर ईश्वर हो
म भनी जुन बोल्दछ ईश्वर हो
अनि के छ र भेद तिमी र ममा
सबमा छ उनै प्रभुकै सुषमा ।

म निमीलितलोचन हेर्न सकूँ
अनि कान थुने पनि सुन्न सिकूँ
मुख बन्द भए पनि गान खुलोस्
प्रभुको महिमा गुणगान चलोस् ।

Segments: 

Comments