नमीठो दु:खमा कैले, नपर्ने मानिसै हुन्न

नमीठो दु:खमा कैले, नपर्ने मानिसै हुन्न
लिएमा जन्म धर्तीमा, नमर्ने मानिसै हुन्न

सधैँ यो घामपानीमा, सबैको जिन्दगी बित्छ
कतै त्यो ओत पाएमा, नसर्ने मानिसै हुन्न

नराम्रो काममा लागे, उडाई इज्जतै फाले
सबैको सामुमा आफै, नझर्ने मानिसै हुन्न

सबै जाली सबै स्वार्थी, यही संसार कस्तो हो
सके पैला भुँडी आफ्नै, नभर्ने मानिसै हुन्न

सबैले एउटा भन्ने, कतै मौका परे फेरि
यहाँ अन्धो भई अर्कै, नगर्ने मानिसै हुन्न

Segments