Loading

परेलीले कुराकानी गरेको रात सम्झन्छु

परेलीले कुराकानी गरेको रात सम्झन्छु
तिमीसँगै बसी प्याला भरेको रात सम्झन्छु

सुनौलो प्रेमको डाली तिमीले प्रेमले भर्दा
सबैले लोभले आँखा तरेको रात सम्झन्छु

फुलेको फूलका थुङ्गा दुवै यी ओठमा टाँसी
तिमीले मग्मगी वास्ना छरेको रात सम्झन्छु

बलेको अग्निझैँ हामी नशाले लठ्ठिँदा फेरि
उषाको शील झैँ आफै झरेको रात सम्झन्छु

जुनेली रातमा छाया सरेझैँ आज आँखामा
तिमी ओझेल बिस्तारै परेको रात सम्झन्छु

Segments: 

Comments