Loading

बारुद र गोली भयो मानिसको भाषा

बारुद र गोली भयो मानिसको भाषा
देखिएन कतै पनि यौटा झिनो आशा

आयो मृत्यु खेलाडी भै शान्त मैदानमा
प्राणै हर्ने खेलखेल्दै फ्याँकेको छ पासा

भयाक्रान्त भएका छौँ हिजो-आज-भोलि
ढुक्कभई खेलेकाथ्यौँ यहीँ तेलकासा

विश्वासको बगैचामा ओइलाएछ फूल
भेटिएन कतै पनि यौटा मान्छे खासा

विधवाको सिउँदो जस्तो भए डाँडाकाँडा
यत्रतत्र उम्रिएछन् झार वनमासा

Author: 
Segments: 

Comments