Loading

फूल

फूल - सुन्दर छ
सुकोमल छ
सम्मोहक छ
फूल - सबैका लागि प्रिय छ

फूल -
गाउँमा छ
सहरमा छ
भीरमा छ
फूल - सर्वत्र उपलब्ध छ
फूल -
प्रेममा बोल्छ
मन्दिरमा चढ्छ
साइतमा अघि सर्छ
फूल - मायाको प्रतीक भएको छ
तर कस्तो नमज्जा !
हरेक विघ्नबाट जोगाएर
सुरक्षित हुर्काउने
पितातुल्य
आफ्नै मालीको मृत्युमा पनि
पूर्ववत्
फूल - मगमगाइरहेकै छ
उफ् !
सृष्टिको कस्तो विडम्बना !
फूलसँग
पटक्कै पनि संवेदना हुँदो रहेनछ ।

Segments: 

Comments