Loading

कस्को प्रभाव छ यो देशमा

कस्को प्रभाव छ यो देशमा
मौसम खराब छ यो देशमा

न चासो कसैलाई साहित्यको
न सस्तो किताप छ यो देशमा

खानलाई छैन घरमा अन्न
प्युनलाई शराब छ यो देशमा

चुनिदैन होला गरिबको सर्कार
महंगो चुनाव छ यो देशमा

छन् सम्पन्न जो धेरै उसैलाई
आर्थिक लगाव छ यो देशमा

के बन्नु खै इमान्दार पनि
सतीको सराप छ यो देशमा

पर पिडकको छैन कुनै कमी
दुर्लभ सदभाव छ यो देशमा

कति फलाक्नु क्रान्तिका कुरा
शान्तिको अभाव छ यो देशमा

कँहा छन् कुन्नि बचाउनेहरू
मर्नेहरू बेहिसाब छन् यो देशमा

बुद्ध जन्मेको त देश भन्नुमात्र
व्यापक तनाव छ यो देशमा

Segments: 

Comments