नयाँ नायिका/ कञ्चन पुडासैनी

उपमा पनि हिँडिछ
उपमा उसको नाउँ थियो 
तर, यस शब्दले 
उसको आकारप्रकार ल्यायो 
आँखासहित अनुहार ल्यायो 
नत्र यसको कुनै मानमहिमा हुँदैनथ्यो  
मानौँ सुने न जानेको कोही परदेशी शब्द 
जसको कुनै नागरिकता छैन र 
कुनै माइती-मावली छैन
गोठ छैन, हवेली छैनन्
सहचर छैन, सहेली छैनन् ।

किन्तु उसको नाउँ अहिले 
सशरीर ऊ बनी उभिन आयो 
जो भर्खरै चियाउन पो लागेकी थिई र
मुस्कुराएर पनि भागेकी थिई 
ऊ अवश्य नै त्यति छिप्पिएकी थिइन है 
तर, हिजो ऊ कसैसँग उडिछ 
सायद भित्रभित्रै बढिछ ।

[Source: Nepal Weekly]

Segments: 

Comments

Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

Partners

psychotherapy in kathmandu nepal elearning nepal Media For Freedom