Muktak

Nepali Muktak मुक्तक

बासनाको खेल खेल्नेहरू प्रेमको अर्थ बुझ्न सक्दैनन्/ सरूभक्त

बासनाको खेल खेल्नेहरू प्रेमको अर्थ बुझ्न सक्दैनन्
उच्चता अनि महानता के हुन्, मनमा कतै सुझन सक्दैनन्
मौसम बदलिएझैँ गरी प्रेम पात्र बदली हिँडेपछि
बिहानीको चोखो शीत परी ती प्रेमले रुझन् सक्दैनन् ।

Author
Segments

नसोध मलाई कि म तिमीलाई कति माया गर्छु/ सरूभक्त

नसोध मलाई कि म तिमीलाई कति माया गर्छु
हृदयको फाँट-गरामा अमूल्य कति सपना छर्छु
जान्नेहरू भन्छन्, प्रेम एक सुन्दर प्रेरणा हो
प्रत्येक क्षण म जीवनका कति जँघार-सागर तर्छु ।

Author
Segments

बदनाम नगर प्रेमलाई प्रेम महान् र अनन्त हुन्छ/ सरूभक्त

बदनाम नगर प्रेमलाई प्रेम महान् र अनन्त हुन्छ
धर्तीभरि आकाशभरि सहृदयताको जालो बुन्छ
मान्छेहरू भन्छन् दुनियाँ, स्वार्थमा कति डुबेको छ
तर प्रेम गर्ने मनले सधैँ उत्सर्गलाई मात्र चुन्छ  ।

Author
Segments

प्रत्येक दिवस प्रेम दिवस हो, यौटा सत्य जानिराख/ सरूभक्त

प्रत्येक दिवस प्रेम दिवस हो, यौटा सत्य जानिराख
प्रेमभन्दा मूल्यवान केही अरु हुँदैन ठानिराख
सभ्यताको आकाशभरि कति घाम उदाए, जून उदाए
प्रेमको इतिहास चोखो लेखिनुपर्छ मानिराख ।

Author
Segments

एउटा यस्तो प्रेम गर, मरेर पनि बाँचिरहूँ/ सरूभक्त

एउटा यस्तो प्रेम गर, मरेर पनि बाँचिरहूँ
मानवताका लागि भनी अमृत केही साँचिरहूँ
समय बग्छ नदीझैँ अज्ञात-अनन्त सागर छुन
तिमी अरुका सम्झनाभरि आस्था बनेर नाचिरहूँ ।

Author
Segments

प्रेमयात्रा/ सरूभक्त

सर्जक: सरूभक्त
विधा: मुक्तक संग्रह
प्रकाशक: साहित्यकार सरूभक्त सरोकार केन्द्र
प्रकाशन मिति: २०६७
मुल्य: रु.१००
ISBN ९७८-९९३७-२-२६१८-९
छापाखाना: हिसि अफसेट प्रिन्टर्स प्राली

Author
Segments

राति राति भेट्नेहरू/ रमेश पौडेल

राति राति भेट्नेहरू, मिल्छन् भन्ने ला'थ्यो
मिले पछि हाम्रा सपना, निल्छन् भन्ने ला'थ्यो
अहिले त्यसै गरे त, के छक्क पर्नु ?
दुखी राख्ने घाउमा नै, चिल्छन् भन्ने ला'थ्यो !

Author
Segments

के चाहन्छौ / भूतको भिनाजु

काम चाहन्छौ, गधा भएर मर्छौ !
नाम चाहन्छौ, गाई बनेर दुहिन्छौ ।
माम चाहन्छौ, कुकुर बनेर जुत्ता चाट्छौ !
राम चाहन्छौ, रोई रोई मर्छौ !
अब भन तिमी के चाहन्छौ ?

Segments

कुल्ची हिंड हाँसी-हाँसी यो छाती तिम्रै बाटो हो

कुल्ची हिंड हाँसी-हाँसी यो छाती तिम्रै बाटो हो
मेरो देह त केही होइन केवल एक थुप्रो माटो हो
गालाको पाटाको लामो धर्सो त्यो घाउ होइन
त्यो त झरी सुकेको आँसुको एक थोपा टाटो हो !

Segments

एउट विचार

पश्चिम नभमा लाली छायो, साँझ पर्यो अब आज मर्यो,
समय सिन्धुमा आयु र बलको यौटा सानू बूँद खस्यो ।
के के भई अझसम्म अडेको जीवनको मेरो छेउ
तिमिर घडामा चोपी फेरि नूतन पारी छ निकाल्नु ।

Segments