Muktak

प्रेम तपस्या हो स्वः परीक्षामा बस्नु पर्छ/ सरुभक्त

प्रेम तपस्या हो स्वः परीक्षामा बस्नु पर्छ
कमजोरीहरू आए भने हृदय जम्मै कस्नुपर्छ
घृणाको यो दुनियामा प्रेम गर्छु भनी ठान्छौं भने
अरुका लागि हाँसीहाँसी नर्कमा पनि पस्नुपर्छ ।

Author: 
Segments: 

तिमीलाई नदेख्दा यस्तो लाग्छ, प्रत्येक क्षण देखेझैँ/ सरुभक्त

तिमीलाई नदेख्दा यस्तो लाग्छ, प्रत्येक क्षण देखेझैँ
मनको अनन्त पानीभरि प्रेमपत्र सधैँ लेखेझैँ
झरीका बादलहरू कति आए अनि कति गए
हिमालझैँ ठडिई मनका विषादहरू सबै छेकेझैँ ।

Author: 
Segments: 

प्रेमको नाम लिई फोहोरी खेल खेल्ने नगर/ सरुभक्त

प्रेमको नाम लिई फोहोरी खेल खेल्ने नगर 

घामलाई सानो सम्झी हत्केलाले छेल्ने नगर 

Author: 
Segments: 

प्रेम पवित्र हुन्छ, हिमाली मूलको पानीझैँ/ सरुभक्त

प्रेम पवित्र हुन्छ, हिमाली मूलको पानीझैँ 

चरित्रले बेदाग मानौँ  सुनकेशरी रानीझैँ 

शब्दकोशबाट बुझिन्न, आफैंबाट बुझी हेर 

Author: 
Segments: 

प्रेममा घात हुँदैन, कहिल्यै प्रतिघात हुँदैन/सरुभक्त

प्रेममा घात हुँदैन, कहिल्यै प्रतिघात हुँदैन 

ठूलो सानो भन्ने पनि प्रेममा कुनै जात हुँदैन 

Author: 
Segments: 

तिमीलाई माया गर्दा सर्वस्व सबै लुटाइदिन्छु/ सरूभक्त

तिमीलाई माया गर्दा सर्वस्व सबै लुटाइदिन्छु
खुसीका जम्मै अवसरहरू एक-एक गरी छुटाइदिन्छु
तिमी भन मात्र जीवनका कति शिखर चढछ्यौं
तिम्रा लागि मनभित्र असंख्य मन जुटाइदिन्छु ।

Author: 
Segments: 

प्रेम गरेर केही मागूँ, म भिखारी बन्न चाहन्न/ सरूभक्त

प्रेम गरेर केही मागूँ, म भिखारी बन्न चाहन्न
सत्य भन्छु, म जीवनलाई यति तुच्छ भन्न चाहन्न
समर्पणको जीवनमा समर्पण नै गर्न देऊ है
विश्वासलाई चोट पारी आफ्नै दिल खन्न चाहन्न ।

Author: 
Segments: 

प्रत्येक क्षण मुटुको ढुकढुकीमा तिमी आए जस्तो लाग्छ/ सरूभक्त

प्रत्येक क्षण मुटुको ढुकढुकीमा तिमी आए जस्तो लाग्छ
सत्य भन्छु प्रत्येक सासमा तिमी छाएजस्तो लाग्छ
प्रेम गरेर मैले जीवनमा जे गुमाए पनि
बेहिसाब-बेहिसाब मैले आफैंलाई पाएजस्तो लाग्छ ।

Author: 
Segments: 

प्रेम कस्तो हुन्छ, एउटा नमर्ने गीतझैँ/ सरूभक्त

प्रेम कस्तो हुन्छ, एउटा नमर्ने गीतझैँ
दिनरात साथ नछोडने मनको प्रिय मितझैँ
हृदयको धड्कनलाई सोधे बुझिन्छ प्रेम
हारेर पनि जितिने एउटा महान जितझैँ ।

Author: 
Segments: 

बासनाको खेल खेल्नेहरू प्रेमको अर्थ बुझ्न सक्दैनन्/ सरूभक्त

बासनाको खेल खेल्नेहरू प्रेमको अर्थ बुझ्न सक्दैनन्
उच्चता अनि महानता के हुन्, मनमा कतै सुझन सक्दैनन्
मौसम बदलिएझैँ गरी प्रेम पात्र बदली हिँडेपछि
बिहानीको चोखो शीत परी ती प्रेमले रुझन् सक्दैनन् ।

Author: 
Segments: 

Pages

Comments

Subscribe to Muktak
Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

Partners

psychotherapy in kathmandu nepal elearning nepal Media For Freedom