Loading

Muktak

प्रेम अन्धो हुन्छ, प्रेम नगर्नेहरू भनिरहन्छन्/ सरुभक्त

प्रेम अन्धो हुन्छ, प्रेम नगर्नेहरू भनिरहन्छन्
प्रेमको इतिहासका अध्येताझैं बनिरहन्छन्
म कसरी सम्झाऊँ प्रेम आफैंमा एक दृष्टि हो
तर हरे ! अबुझहरू अँध्यारोका दीप गनिरहन्छन् ।

Author: 
Segments: 

विश्वविजेताहरू धर्ती लुट्न सक्छन्, माया लुट्न सक्दैनन्/ सरुभक्त

विश्वविजेताहरू धर्ती लुट्न सक्छन्, माया लुट्न सक्दैनन्
अरुका अधिकारहरू घुत्न सक्छन्, माया घुत्न सकदैनन्
उन्मादले ग्रस्त भै जति विशाल सेना खडा गरे पनि
मायालाई पराजित गर्न मायालु मनभित्र जुट्न सक्दैनन् ।

Author: 
Segments: 

जब प्रेम हुन्छ, मनको मनसित साइनो जोडिन्छ/ सरुभक्त

जब प्रेम हुन्छ, मनको मनसित साइनो जोडिन्छ
जीउमा भए बन्धन कति, एक-एक गरी छोडिन्छ
ए ! रूपको बजारमा आफैलाई बेची हिँडनेहरू !
प्रेममा सक्रान्ति भै जीवनको बाटो मोडिन्छ ।

Author: 
Segments: 

अर्ती-उपदेशहरू सुनेर मनमा प्रेम पलाउँदैन/ सरूभक्त

अर्ती-उपदेशहरू सुनेर मनमा प्रेम पलाउँदैन
समय आउँछ, समय जान्छ, कसैलाई छलाउँदैन
प्रेमपथमा लाग्ने भए समर्पणको बाटो चुन
हृदयलाई पत्थर पारे कुनै बाली फलाउँदैन ।

Author: 
Segments: 

प्रेम पवित्र पागलपन हो, म सद्देहरूलाई भन्दै हिँड्छु/ सरुभक्त

प्रेम पवित्र पागलपन हो, म सद्देहरूलाई भन्दै हिँड्छु

तिनका नजरमा सायद कसिङ्गरजस्तो बन्दै हिँड्छु

समय साक्षी छ, प्रेमको नाममा बदनामीहरू कति हुन्छन्

Author: 
Segments: 

प्रेम नसा होइन प्रत्येक क्षण पिइरहन्छु/ सरुभक्त

प्रेम नसा होइन प्रत्येक क्षण पिइरहन्छु

मनमा लागे हजार चोट प्रत्येक क्षण सिइरहन्छु

जिन्दगीको तपस्यामा दिव्य वर पाएपछि

मृत्युञ्जली भएर म प्रत्येक क्षण जिइरहन्छु ।

Author: 
Segments: 

बुझ्नु मान्छे राम्रो गरी हृदयमा प्रेमको राज छ/ सरुभक्त

बुझ्नु मान्छे राम्रो गरी हृदयमा प्रेमको राज छ

मधुर धुन बजिराख्ने एउटा यस्तो साज छ

जिन्दगीको मुल्य खोज्दै बाहिर किन भौंतारिनु

प्रेम भए आफै भित्र दिव्य-अनमोल ताज छ ।

Author: 
Segments: 

जब मनमा प्रेम आउँछ, विषालु कुनै वाण दाग्दैन/ सरुभक्त

जब मनमा प्रेम आउँछ, विषालु कुनै वाण दाग्दैन

बसेपछि मनमा त्यसले सौभाग्यको सीमा नाघ्दैन

जिन्दगीको प्रत्येक मोड ढुक्ढुकीहरूले भन्छन् यहाँ

प्रेम यस्तो बहार हो जुन आइ फेरि कतै भाग्दैन ।

Author: 
Segments: 

यस्तो दिन आओस यहाँ, मायैमायाको बास होस्/ सरुभक्त

यस्तो दिन आओस यहाँ, मायैमायाको बास होस्

रिस, द्वेष र घृणाहरू सबै सबैको नाश होस्

मानवताको अंश भै म यस्तो सपना देखिरहेछु

मेरो सुन्दर धर्ती भोलि स्वर्गभन्दा पनि खास होस् ।

Author: 
Segments: 

प्रेमीहरू प्रेम गरी अजम्मरी पीडा सहिरहन्छन्/ सरुभक्त

प्रेमीहरू प्रेम गरी अजम्मरी पीडा सहिरहन्छन्

ढुङ्गामाटो कणकणमा आत्मा बनी रहिरहन्छन्

चाहे दुनियाँले मानोस वा मान्न इन्कार गरोस्

प्रेमीहरू नबोलिकनै चरित्रले केही कहिरहन्छन् ।

Author: 
Segments: 

Pages

Comments

Subscribe to Muktak