Loading

Muktak

घृणा छ यो दुनियाँमा धेरै प्रेमको दुनियाँ बसाइरहूँ/ सरुभक्त

घृणा छ यो दुनियाँमा धेरै प्रेमको दुनियाँ बसाइरहूँ

कठोर छ यो दुनियाँ धेरै कोमलता केही पसाइरहूँ

ढुकढुकीको अर्थ आफ्नै ढुकढुकीलाई सोधे हुन्छ

प्रेमोत्सव मानी जिन्दगीलाई सिर्जनामा रसाइरहूँ ।

Author: 
Segments: 

बोलीले के याद गरुँ, धड्कनले याद गर्छु हुन्न र ? / सरुभक्त

बोलीले के याद गरुँ, धड्कनले याद गर्छु हुन्न

नसानसामा तातो रगतले मायाको घर बुन्न

Author: 
Segments: 

प्रेमका लागि भनी धर्तीमा अब नबगाऊ रगतका धाराहरू /सरुभक्त

प्रेमका लागि भनी धर्तीमा अब नबगाऊ रगतका धाराहरू

साँचेर युगौंदेखिका अहङ्ककार अनि विश्वविजयी पाराहरू

बन्दुक, तोप र तरवारहरूको मन जित्न नसकिने भए

Author: 
Segments: 

थोरैले साँचो माया गर्छन् धेरैले माया गरेझैँ गर्छन्/ सरुभक्त

थोरैले साँचो माया गर्छन् धेरैले माया गरेझैँ गर्छन्

नपाएसम्म एक अर्कालाई हुरुक्क भै मरेझैँ गर्छन्

राम्रैसित चिन्न सकिन्छ नक्कली माया लाउनेहरू

बसन्त पूरै हराए फतक्क भै झरेझै गर्छन् ।

Author: 
Segments: 

अजम्मरी पीडा भए, अजम्मरी मनले पिइदिनु/ सरुभक्त

अजम्मरी पीडा भए, अजम्मरी मनले पिइदिनु

खिइनुको हद कहाँ हुन्छ, त्यसलाई नाघी खिइदिनु

प्रेम गर्दा जीवनमा जति निर्दयी प्रहार परे पनि

तिमी हरेक प्रहारमा आँशुको फूल भैदिनु ।

Author: 
Segments: 

ताजमहल नै चाहन्छौं भने हरेक क्षण ताजमहल बनाइरहन्छु/ सरुभक्त

ताजमहल नै चाहन्छौं भने हरेक क्षण ताजमहल बनाइरहन्छु

हृदयभरि सिङगमरमर होइन मायैमाया खन्याइरहन्छु

के दुनियाँका आश्चर्यहरूमा आश्चर्य मानिरहन्छौं तिमी

Author: 
Segments: 

कहिलेकाहीं प्रेममा हृदय ठनक्क भाँचिन्छ/ सरुभक्त

कहिलेकाहीं प्रेममा हृदय ठनक्क भाँचिन्छ

दुर्भाग्यको चोट परी अधमरो भइ बाँचिन्छ

समयको चक्र यहाँ जति उल्टो घुमे पनि

आस्थाभरिको जीवनमा पवित्रता मात्रै साँचिन्छ ।

Author: 
Segments: 

प्रेमको युद्ध अन्त होइन, आफैंभित्र लडिन्छन्/ सरुभक्त

प्रेमको युद्ध अन्त होइन, आफैंभित्र लडिन्छन्

हृदयको कुरुक्षेत्रमा विजयझन्डा ठडिन्छन्

इतिहासमा जति भए पनि कथित प्रेमका युद्धहरू

महान् प्रेम त यहाँ महान् छातिहरूमै अडिन्छन् ।

Author: 
Segments: 

जहाँ प्रेम हुन्छ त्यहाँ धोका र छलछाम हुँदैन/ सरुभक्त

जहाँ प्रेम हुन्छ त्यहाँ धोका र छलछाम हुँदैन
प्रेमभन्दा पवित्र यहाँ कतै कुनै तीर्थधाम हुँदैन
जिन्दगीको प्रत्येक सासमा आफैंसँग सोधिहेर
प्रेममा व्यर्थ अहंको पनि कुनै राम हुँदैन ।

Author: 
Segments: 

Pages

Comments

Subscribe to Muktak