Loading

Muktak

मेरा साथीहरू

मैले पिएकोमा रिसाएका साथीहरू
पिएर त हेर, पिउन झन् गाह्रो छ ।
मरेर शहीद हुनेहरू,
जिएर त हेर, जिउन झन् गाह्रो छ !!

Segments: 

दुई किनारको कहिल्यै मेल नभएजस्तै / ज्ञानुवाकर पौडेल

GyanuWalker Poudelदुई किनारको कहिल्यै मेल नभएजस्तै

संभव चाँडै यहाँ आउन रेल नभएजस्तै

तिम्रो मायाको पनि रहेन आस अब त

भाग्यमाथि विश्वास मलाई अचेल नभएजस्तै

Segments: 

मुटुभरि आशा / भैरव अर्याल

पानी कहिल्यै न जुरेकै होस्
प्यास सधैँभरि पाएको छु
उल्लास मनमा न छिरेकै होस्
आश मुटुभरि ल्याएको छु।

Author: 
Segments: 

तीन मुक्तक / ज्ञानुवाकर पौडेल

कसैलाई रिझाउन पनि अहो कस्तो गाह्रो
कसैलाई फकाउन पनि अहो कस्तो गाह्रो
मन मिलेर मात्र के गर्नु कुरा नमिलेपछि
पिरतिको स्वाद चखाउन पनि अहो कस्तो गाह्रो ।

Segments: 

चार मुक्तक / विष्णुबहादुर सिंह

सरकारको ढुकुटीलाई हामी रित्तो पार्छौं
महँगी बढाई आफ्नो भुँडी हामी मुसार्छौं
कुशासन र भ्रष्टाचारको नमूना प्रदर्शन गरी
हामी जे–जे गर्छौं सबै जनताका लागि गर्छौ ।
Segments: 

केही मुक्तक / वियोगी बुढाथोकी

कति सुहाएको आँखाको त्यो गाजल
भुतुक्कै मात्र भइएन बनायौ पागल
गाजल र पागलको कल्पनामा डुब्दा–
सत्ये, पिएको थिइन भरिएछु खाडल ।

Segments: 

केही मुक्तक / ज्ञानुवाकर पौडेल

माया प्रीतिमा कुनै संयम हुन्न
राजनीतिमा कुनै नियम हुन्न
पछ्याउँदै मलाई किन आउँछ्यौ ?
कविहरूको फेरि घरजम हुन्न ।

Segments: 

बाँचेको जस्तो लाग्छ

- जीवन नामदुङ

कविता लेखेको समयमात्र
आफू बाँचेको हो जस्तो लाग्छ
अरू बेला त जिन्दगीले
खित्का छाडी छाडी मलाई
हेर्दै हाँसे जस्तो लाग्छ
कविता देखेको समयमात्र
जिन्दगीमा ब्यूँझेको जस्तो लाग्छ

Segments: 

चमत्कार / विचन्द्र प्रधान

सलाममा जुन रफ्तार छ
त्यो नमस्कारमा पनि छैन
तिम्रो र मेरो मिलनमा-
जुन चमत्कार छ
त्यो ओमकारमा पनि छैन ।

(मिरिक, दार्जीलिङ)

Segments: 

अनौठो गीत

- विचन्द्र प्रधान

आँसु कहिले खुसीको पनि हुन्छ,
हाँसो कहिले खिसीको पनि हुन्छ,
बाटोमै पनि कोही अबाटो हिँडेको हुन्छ,
घरमै पनि कोही बेघर भएको हुन्छ ।

(मिरिक, दार्जीलिङ)

Segments: 

Pages

Subscribe to Muktak