नेपाली

No votes yet
फेवाताल / भीमदर्शन रोका

पर्खिरहनू त्यो वनको किनारमा
मैरै प्रतीक्षा, मेरै विचारमा
फिँजाई थकिँदो आँचल आफ्नो
त्यो वनको छायाँको भारमा ।

बादलको सेतो डुङ्गा तर्छ यहाँ—
हिउँलाई बोकी हिमाल झर्छ यहाँ
पग्लन्छन् किरणहरु जताततै
घामले आफूलाई जब छर्छ यहाँ ।

हावाले पानीलाई तास्दछ यहाँ
लहर लहर आपसमा मिल्दछ यहाँ
हल्लाइदिन्छ हृदय मेरो—
गहिरो आकाश पनि हल्लिन्छ यहाँ ।
Segments: 
No votes yet
बर्सात / भीमदर्शन रोका

मेरो ऋतु बर्सात आयो
इन्द्रेनीमा रङ्ग सात आयो
किन नदगुरुँ पोल्टो थापी
दूर देशको सौगात आयो ।

मेरो ऋतु बर्सात आयो
इन्द्रेनीमा रङ्ग सात आयो ।

किन न जोड जोडले बोलूँ
उकुस–मुकुस यो हृदय खोलूँ
झरझर झरझरको स्वरले
सबैको स्वर सात डुबायो ।

मेरो ऋतु बर्सात आयो
इन्द्रेनीमा रङ्ग सात आयो ।
Segments: 
Your rating: None Average: 5 (1 vote)
Banira Giri
सधैं साहित्यिक कर्ममा व्यस्त रहने एक छोरी र एक छोराकी आमा उनी अहिले डिमेन्सिया (बिर्सने रोग वा समस्या) बाट पीडित हुनुहुन्छ। सेवानिवृत्त उहाँका पति इन्जिनियर शंकर गिरी अहोरात्र उहाँका सेवा–सु श्रुषामा व्यस्त हुनुहुन्छ। कवि हुनु आफ्नो ठाउँमा छ। कविताकै कारण जोडिएको हो– उहाँसँगका मेरो सम्बन्ध। तर जहिलेदेखि यो सम्बन्ध जोडियो त्यही दिनदेखि उहाँ मेरी दिदी हुनुभयो। अहिले पनि म उहाँलाई वानीरा दिदी नै भन्छु। दिदी नै मान्छु।
About Personality: 
Your rating: None Average: 3.5 (4 votes)
Abhibyakti Nepali Magazine 199
199th issue of Nepali Literary Magazine, Abhibyakti.
Writers of this issue: Dhanraj Giri, Rita Tamrakar, Nandlal Aacharya, Gayatree Kumar Chapagain, Arjun Thapa, Maheshwor Ray, Dr. Bhoophari Poudel, Rambabu Ghimire, Vijaya Vaishnav Dhakal, Chetnath Kadel Harit, Charubha Ghimire, Mahesh Chandra Pradhan, Hari Kattel, Sunil Puri, Samba Dhakal, Sharmila Karki, Bheshraj Pokharel, Suman Thapa, Rajesh Dhungana, Binod Nepal, Sarita Poudel Guragain, Krishna Bajgain, Nilanjala Bharadwaj, Lavanya Sapkota, Shankar Shah, Neerajan Moudgalya, and Yayawar.

Magazine: 
No votes yet
बायाँ हातमा राखेँ सारा दुखीलाई
दायाँ हातमा राखेँ मेरा शत्रुलाई
अनि जोडी दुई हात, मेरो भगवान,
तिमीलाई गर्छु प्रणाम ।

तिमीले दिएको सबथोक छ भगवान
खुसी देऊ या आँसु, मञ्जुर छ भगवान
मेरा पापहरूको क्षमा नदेऊ
मलाई सजाय नै मञ्जुर छ भगवान ।

जब सम्म दुई हात केही गर्न सक्छन्
तब सम्म यी हात फैलाई नआऊँ
जब एकदिन म तिमी छेउ आउँछु
संसारमा केही नछाडी नआऊँ ।
Author: 
Segments: 
No votes yet

चैत्र २०७३, भारतको नयाँ दिल्लीमा रहेको दक्षिण एसियाली विश्वविद्यालयमा अध्ययनरत नेपाली विद्यार्थीहरूले नेपाली कविता महोत्सव आयोजना गर्ने भएका छन् । नेपाली साहित्यको प्रवर्धन तथा पहुँच विस्तारका उद्देश्यका साथ वैशाख २९ गते नयाँ दिल्लीमा आयोजना हुन लागेको उक्त महोत्सवमा नेपाली साहित्यका प्रखर हस्तीहरूको जमघट हुने जानकारी आयोजक पक्षले दिएको छ ।

Segments: 
No votes yet

Rachana Patrika 136रचना साहित्यिक प्रकाशन 
वर्ष ५५, अंक १, पूर्णांक १३६, २०७२

Magazine: 
No votes yet

Rudra Gyawaliसम्वत् साल थियो बहत्तर नयाँ बैशाख मैन्हा थियो
बाह्रौं सौर्य गते र सप्तम तिथी आकाश मैलो थियो
छुट्टीमा शनिवारको दिन सबै सामान्य लाग्थ्यो तर
घुम्दै बाह्र थियो सुई समयको काँपिन् धरा थर्थर

घाँटी च्याप्प सुक्यो र ढक्ढक गरी बढ्दै गयोे स्पन्दन
छातिभित्र अनिष्टको अगतिलो घण्टी बज्यो टङ्टङ
हल्लिए सबथोक कम्पित भए गाग्री घडा पल्टिए
ढोका झ्याल दलिन कट्कट गरी थर्केर काँप्दै थिए

Author: 
Segments: 
No votes yet

Satya Mohan Joshiमहाभूकम्पले हामीलाई देश निर्माणमा एकजुट भएर लाग्ने भावना प्रदान गरेको छ । प्राकृतिक संकटले निम्त्याएको राष्ट्रिय एकताको भावना महत्त्वपूर्ण छ । भूकम्पबाट भएको क्षतिलाई कसरी शक्तिमा परिवर्तन गर्ने भन्ने प्रश्न अब मुख्य हो । आज हुर्किंदै गरेको नयाँ पुस्ताका लागि पनि यस्तो भावना जरुरी भइसक्यो ।

भर्खरै संसद्मा पारित संकल्प प्रस्तावको भावना महत्त्वपूर्ण छ । त्यसलाई चरितार्थ गर्ने–नगर्ने हामी नेपालीमा निर्भर छ । यस सन्दर्भमा एमाओवादी अध्यक्ष पुष्पकमल दाहालले संसद्मा दिएको अभिव्यक्तिले मलाई छोयो । ‘हामीले आआफ्ना दलीय स्वार्थ र संकुचनभन्दा बाहिर आएर राष्ट्रिय दृष्टिकोण राखेर उठाऔं, त्यसले नयाँ संविधान र राष्ट्रिय पुनर्निर्माणको भावना निर्माण हुन्छ,’ भनी उहाँले भन्नुभएको छ । हाम्रा नेताहरूको घैंटोमा घाम लागेको संकेत हो यो । उहाँहरूलाई आ–आफ्नै डम्फु बजाएर देश बन्दैन भन्ने चेतना भएजस्तो छ ।

Segments: 
No votes yet

Nepal Army rescuing few months old baby alive in earthquakeभुइँचालो, भुइँचालो ! देशै काम्न थाल्यो

अनायासै देशै थाम्न– जुट्यो हातेमालो

 

कराउँदै रूखदेखि सारा पन्छी उडे

उडूँ भने, पंख छैन भुइँमा मान्छे लडे

घर ढले, मन्दिर ढले, धूलो उड्न थाल्यो

खोज गर्न, खबर गर्न– जुट्यो हातेमालो

Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.