Loading

लाग्यो आखिर ठूलै बात / ज्ञानुवाकर पौडेल

लाग्यो आखिर ठूलै बात

समाउँदा मैले तिम्रो हात

 

देखिनँ आँखा प्यास लाग्दा

पिएर पानी सोधेँछु जात

 

पहिले लाग्थ्यो पैसाको नशा

अचेल लाग्छ रूपको मात

 

कमाएँ बदनामी यो कस्तो मैले ?

नचले नि हावा हल्लिन्छ पात

 

मायाको बदला नदिएर माया

गरेकै हो तिमीले अन्तरघात

 

नसोध बित्छ कसरी दिन ?

लाग्छ किन प्यारो रात ?

 

फोर्न नजान्दा मौकाँ हीरा

खायो 'ज्ञानु'ले समयको लात ।

Segments: 

Comments