काँडा बनेर आज पाइतालामा बिझ्यो यो देश/ ज्ञानुवाकर पौडेल

काँडा बनेर आज पाइतालामा बिझ्यो यो देश
आँसु बनेर आज परेलीमा रुझ्यो यो देश ।

किन बिउँझेन यो देश, कति निदाउँछ यो देश
आतंक बनेर आज मनमा बिझ्यो यो देश ।

कल्ले के गरे यो देशलाई कल्ले बर्बाद तुल्याए ?
छलकपट र जालझेल मै अल्झ्यो यो देश ।

महँगी, अभाव, दुःख र यातनाका यी तीस वर्षा
सारा देशवासीका रगत र आँसुले भिज्यो यो देश ।

Segments: 

Comments

Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

Partners

psychotherapy in kathmandu nepal elearning nepal Media For Freedom