कूटनीतिमा साहित्यको योगदानबारे छलफल

No votes yet

(सन्दर्भ अनेसास डि.सी.मा नयाँ नेतृत्व)

२३ मार्च, वाशिङ्गटन डि.सी./
अन्तरराष्ट्रिय नेपाली साहित्य समाज (अनेसास) वासिङ्गटन डि.सी.मेट्रो च्याप्टरको पदस्थापन तथा शपथ ग्रहण एक कार्यक्रमका बिच आइतबार स्थानीय आर्लिङ्गटन पुस्तकालयमा सम्पन्न भएको छ । प्रमुख निर्वाचन आयुक्त खेम भट्टचनले सर्वसम्मत रुपमा निर्वाचित कार्यसमितिका पदाधिकारीहरुको नामावली घोषणा गर्नु भएपछि सभाका प्रमुख अतिथि अमेरिकाका लागि नेपाली राजदूत डा. शंकरप्रसाद शर्माले नवनिर्वाचित पदाधिकारीहरुलाई प्रमाणपत्र हस्तान्तरण गर्नुको साथै बधाई ज्ञापन गर्नु भएको थियो ।

च्याप्टरको नव निर्वाचित कार्यसमितिमा अध्यक्ष प्रकाश नेपाल, उपाध्यक्ष मञ्जु निरौला, महासचिव विजय थापा, सचिव गुणराज लुइटेल र कोषाध्यक्ष खिमानन्द आचार्य हुनुहुन्छ । सोही सभास्थलमा बसेको नयां कार्य समितिको बैठकले खेम भट्टचन, रामप्रसाद खनाल र गोपाल रेग्मीलाई सल्लाहकारमा र विमला निरौलालाई कार्यसमिति सदस्यमा मनोनयन गरेको छ ।

सो अवसरमा साहित्यकार, समालोचक तथा बाल्टिमोर कम्युनिटी कलेजका प्राध्यापक एच.बी. भण्डारीले नेपाली साहित्यको प्रबद्र्धन, संरक्षण र विस्तारमा कुटनीतिक नियोगको भूमिका विषयमा कार्यपत्र प्रस्तुत गर्नु भएको थियो । आफ्नो कार्यपत्रमा उहांले हामीले राम्रो गर्छु भनेर सपना देख्न थाल्नु पर्छ, दीर्घकालीन योजना बनाउनु पर्दछ, आपसी सूचना आदान प्रदानमा बढी ध्यान दिनु पर्दछ, कति काम भयो भएन भनेर अनुगमन पनि गर्नु पर्दछ र सवैले समाजप्रति जिम्मेवार हुनु पर्दछ भन्ने कुरामा जोड दिनु भयो । उहांले कूटनीति र साहित्य एक अर्काका पूरक भएकोले राजदूतावास लगायतका कूटनीतिक निकायहरुले साहित्यको विकासमा विशेष पहल गर्नु पर्ने सुझाव दिनु भयो ।

प्रमुख अतिथी राजदूत शर्माले कला, साहित्य र संस्कृतिको माध्यमबाट नरम करम कूटनीति (सफ्ट डिप्लोम्यासी) अघि बढाउन सजिलो हुने भएको, भिजिट नेपाल कार्यक्रम पनि यही अन्तर्गत ल्याइएको र आगामी दिनमा साहित्यकारहरुसंग समन्वय गरी काम गर्नु कुरा बताउनु भयो ।

नवनिर्वाचित कार्यसमितिका सदस्यहरुलाई अन्तरराष्ट्रिय नेपाली साहित्य समाजका संस्थापक होमराज सुवेदी, अमेरिका नेपाल समाजका अध्यक्ष नगेन्द्र पौडेल, अन्तरराष्ट्रिय नेपाली कलाकार मञ्चका अध्यक्ष रामप्रसाद खनाल, साहित्यकार भारती गौतमले नव कार्यकालको सफलताको कामना गर्नु भएको थियो । समारोहमा साहित्यकारहरु भारती गौतम, आनन्द शर्मा, खिमानन्द आचार्य, राधिकादेवी रेग्मी र गुणराज लुइटेलले कविता वाचन गर्नु भएको थियो ।

कार्यक्रमका सभापति तथा च्याप्टरका निबर्तमान अध्यक्ष शरद निरौलाले नयाँ कार्यसमितिलाई पदीय कार्यभार सुम्पिनु भएको थियो भने कार्यक्रमको संचालन विजय थापाले गर्नु भएको थियो ।

Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.