दुईटा कुरा बारम्बार उस्तै उस्तै लाग्छ / रावत

दुईटा कुरा बारम्बार उस्तै उस्तै लाग्छ
जिन्दगी र कारागार उस्तै उस्तै लाग्छ ।

सधैं चर्किनै खोज्ने, सधैं फुट्नै खोज्ने
शिशा र मेरो निधार उस्तै उस्तै लाग्छ ।

भो नसोध्नुस् केही, दुखेको दिललाई —
ढुङ्गा र फूलको प्रहार उस्तै उस्तै लाग्छ ।

भोको पेटमा ज्यादा, भरी पेटमा कम लाग्ने
मदिरा र सरकार उस्तै उस्तै लाग्छ ।

हरेक अनुहारमा देखिन्छ ताजा घटना
यहाँ मान्छे र समाचार उस्तै उस्तै लाग्छ ।

आज भोलि मान्छेहरू यस्तो भन्छन् मलाई—
जोगी र तेरो संसार उस्तै उस्तै लाग्छ ।

Author: 
Segments: 

Comments

Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

Partners

psychotherapy in kathmandu nepal elearning nepal Media For Freedom