तिमीसँग मागेको साथै हरायो / शम्भुकुमार मिलन

तिमीसँग मागेको साथै हरायो
सँगै नहुँदा रातै हरायो ।

भन के गर्‍यौ आज तिमीले यस्तो
कति सोध्न खोजेँ आँटै हरायो ।

हजारौँ थिए चाहनाभित्र मनमा
तिमीलाई भेट्ने बाटै हरायो ।

माया त्यसरी मार्‍यौ किन हो
सम्झेर आउने छाँटै हरायो ।

थुप्रै बने योजना जिन्दगीमा
पूरा नहुँदै नातै हरायो ।

Segments: 

Comments

Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

Partners

psychotherapy in kathmandu nepal elearning nepal Media For Freedom