Loading

खोलापारी 'हुइयाँ' गर्दै स्याल करायो / डा. घनश्याम परिश्रमी

खोलापारी 'हुइयाँ' गर्दै स्याल करायो
त्यो सुनेर मुनी पाठो निकै डरायो ।

बाजी जित्न घसि्रएर हिँड्यो कछुवा
छिटो छिटो दगुर्दै छ हेर खरायो ।

सिङमाथि सिङ् हुने जन्तु कुन हो
त्यही त हो उफ्री-उफ्री कुद्ने जरायो ।

फूलमाथि नाच्दै थियो राम्रो पुतली
उडी गयो पर-पर कता हरायो ।

बुद्धिमान् कागको कथा भनिन् दिदीले
सुनेपछि सानो भाइले मन परायो ।

Segments: