Rabat

दुईटा कुरा बारम्बार उस्तै उस्तै लाग्छ / रावत

दुईटा कुरा बारम्बार उस्तै उस्तै लाग्छ
जिन्दगी र कारागार उस्तै उस्तै लाग्छ ।

सधैं चर्किनै खोज्ने, सधैं फुट्नै खोज्ने
शिशा र मेरो निधार उस्तै उस्तै लाग्छ ।

भो नसोध्नुस् केही, दुखेको दिललाई —

Author
Segments

ओ समय ! / राबत

वर्षौंपछि हजुरको सहरमा
हजुरकै आदेशबिना
म नाङ्गो छाती उभिएको छु,
सक्नुहुन्छ भने,
सिंहदरबारबाट भाला झिकेर
रोपिदिनुस् भेरो छातीमा
सक्नुहुन्छ भने,
मेरो शिर लगेर झुन्ड्याइदिनुस्
धरहराको टुप्पोमा
तर यसपाला म
हजुरको सहरबाट
रित्तो हात फर्किने छैन ।

Author
Segments