Loading

Laxman Mainali

नेपालको अस्तित्वमा दाग लाउने अरे/ लक्ष्मण मैनाली

नेपालको अस्तित्वमा दाग लाउने अरे,
जात–भाषामा देश अब भाग लाउने अरे !

नसुन्ने रे अखण्ड एकताका गीतहरू,
विखण्डन र बेमेलकै राग लाउने अरे !

विविधता सङ्गालेर विभेद चैं मास्नु पर्थ्यो,
सयपत्री उखेलेर सिस्नाको बाग लाउने अरे !

नयाँ नेपाल विचित्रको बनाउनको लागि,
कागजको फूलमा पो  पराग लाउने अरे !

Segments: 

Comments

Subscribe to Laxman Mainali