Kedar Sharma

सराप/ केदार शर्मा

यसवर्ष
रौरव नर्क बनोस् मेरो देश
चारैतिर कोलाहल मच्चियोस् सजायको
पापी, अपराधीहरूको छट्पटी देखेर
अपराध आफैँ कहालियोस्।

यसवर्ष
मान्छे मार्नेहरूलाई
पछुतो होस्, ग्लानी होस्, अपराधबोध होस् र भइरहोस्
उनीहरूको प्रत्येक निद्रा
ऐँठनबाट खुलोस्
र आँसु पुछ्दा
हातमा रगत देखून् प्रत्येक पटक;
दासताको बजारमा मान्छे बेच्नेहरूलाई
लागोस् पसिनाको सराप,
मरुभूमि बनोस् तिनको सपना
तर पैसा भने कहीँ नअटेर
आफैँले पठाएका कामदारहरूको लास ल्याएका कफीनहरूमा
खात लगाएर राख्नुमपरोस्;
नफल्ने बीऊ बेच्नेहरूको
र अन्नपातको कालोबजार चलाउनेहरूको

Author
Segments