Song

Nepali Sont गीत

हिँड्याको हामी ता दुई जना/ श्याम तमोट

हिँड्याको हामी ता दुई जना
देख्नुलाई राम्रो देश ।

हामीले बाटो खोई भन्दा
कोही कोहीले आर्कै बतायो
साँचु ता आबो थाहा भो
हामीलाई ढाँट्ने फटाहा हो ।

हेर्दामा हामी यस्तो छ
कपटी कुरा ता जान्दैन

Author
Segments

Manchheko Maya Yahan / Ramman Trishit

मान्छेको माया यहाँ खोलाको पानी जस्तो
किनारालाई छोई भाग्ने लहरेको बानी जस्तो
मान्छेको माया यहाँ आँखाको नानी जस्तो
यो रात फकाई आउने सुन्दर विहानी जस्तो

माया त जोवनको आवेश मात्र नै हो

Author
Segments

न सम्झुँ भन्छु तिमीलाई/ हरिभक्त कटुवाल

न सम्झुँ भन्छु तिमीलाई
नसम्झी बस्न के सक्थें ?
नहेरूँ भन्छु तिमीलाई
नहेरी बस्न के सक्थें ?

कि तिम्रो सम्झना उस्तो
कि मेरो छाती नै उस्तो
कहालिन्छ जव छाती
नधाई बस्न के सक्थें ?

खिइने छैन यो सृिष्ट
दुइ  आँखाले हेर्दैमा
फुलेको सृिष्टको फूल
नसुँघी बस्न के सक्थें ?

छ तिम्रो सम्झना मीठो
कमलो छाती छ मेरो
जसै चस्कन्छ यो छाती
नरोई बस्न के सक्थें ?

जति सम्झ्यो उति मीठो
जता हेर्यो उतै सुन्दर
यो सुन्दर सृिष्टको गीत
नगाई बस्न के सक्थें ?

Segments

हिमालका कुरा/ दिनेश अधिकारी

हिमालका कुरा गर्यौं, गुराँसका कुरा गर्यौं
देशभक्ति देखाउन शहीदका कुरा गर्यौं
बेला भयो आऊ अब इमानको कुरा गरौँ
बिरामी छ देश अहिले निदानका कुरा गरौँ

लुकीचोरी देशको भाग आफैँले पो खायौ कि
धितो राखी यो देशलाई नयाँ लुगा लायौँ कि
आफैँसँग सोधौँ अब कहाँ कहाँ हामी चोक्यौँ
कुन ठाउँमा लड्खडायौँ, कहाँ कहाँ हात झिक्यौँ

मुखले बुद्ध भने पनि मनले चुत्थो भयौँ कि
जसले जे जे गरे पनि हेरिमात्र रह्यौँ कि
आफैँसँग सोधौँ अब कहाँ कहाँ हामी झुक्यौँ
कसको पछि लाग्यौँ हामी, आपसमा किन फुट्यौँ ?

॰[साभार: शुक्रबार]

Segments

तिमी तारे भीर म त लहरा/ श्रवण मुकारुङ

तिमी तारे भीर म त लहरा
तिमी मै म लहराउँछु तिमी सहारा

तिम्रो आँखा-आँखा मेरो खेल्ने आँगन
तिमी भित्र-भित्रै मेरा जूनतारा छन्
इर्ष्यालु आँखा बगाउँछन् छहारा
तिमी मै म लहराउँछु तिमी सहारा

Segments

पर लैजाऊ फूलहरू/ राजेन्द्र थापा

पर लैजाऊ फूलहरू छोपिदेऊ तारा जून
बन्द गर गीतहरू तिम्रो याद आउने सबै चिजहरू

शहरको भीडमा म एक्लो हल्लाले छुँदैन
रानीवनको एकान्तमा पनि मन चुप हुँदैन
पहाडमा पनि शान्ति छैन
तिम्रो याद नआउने कुनै ठाँवै छैन

संसारदेखि भागुँला तिमीबाट सक्दिन
आत्तिएर मन उड्न खोज्छ तर मुक्ति पाउँदिन
सपनामा पनि शन्ति छैन
तिम्रो याद नआउने कुनै ठाँवै छैन



Segments

संघर्ष हो जीवन/ श्याम तमोट

संघर्ष हो जीवन
जीवन संघर्ष हो
जीवनदेखि थाकेर बस्छु नभन
जीवनदेखि हारेर मर्छु नभन ।

जिन्दगी हो हार-जीत भइरहन्छ
बाधा पन्छाउँदै नदी बगिरहन्छ
हार भयो भनेर दुख नमान
रातपछि दिन हुन्छ हेर बिहान ।

Author
Segments

तिमी आउँछ्यौ भन्ने आशै आशमा/ यादव खरेल

तिमी आउँछ्यौ भन्ने आशै आशमा
बाटोभरि आँखा ओछ्याइरहन्छु
तिमी सागर भई जता बगे पनि
म किनार भई पछ्याइरहन्छु

तिमीले नदी किनारमा गएर सुन्नू
म कल्कलाएको हुन्छु
म तिम्रो मुटुको ढुकढुकीमा

Author
Segments

बनेको छ पहराले यो छाति मेरो/ गोपाल योञ्जन

बनेको छ पहराले यो छाति मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो

खोसेको रोटीले मेरो पेट भरिन्न
मागेको धोतिले मेरो लास छोपिन्न

Author
Segments