Song

Nepali Sont गीत

एक जुगमा एक दिन एकचोटि आउँछ / गोपालप्रसाद रिमाल

Rating: 
Your rating: None Average: 5 (1 vote)

एक जुगमा एक दिन एकचोटि आउँछ
उलट-पुलट, उथल-पुथल, हेरफेर ल्याउँछ

लाटा-सुधा बोल्न थाल्छन्, चल्छ ओठ दु:खको
सहे भनी सम्झिएका ईख फेर्न उठ्तछन्

गए भनी नदेखिएका फर्की-फर्की आउँछन्
सुते भनी सम्झिएका सुरुसुरु हिँड्दछन्

Segments: 
No votes yet

दुइटा फूल देउरालीमा साथै राख्यौं जस्तो लाग्छ
कतै टाढा जाँदाखेरि सँगै हिंड्यौं जस्तो लाग्छ
देखेजस्तो पनि लाग्छ बोलेजस्तो पनि लाग्छ
कतै टाढा जाँदाखेरि सँगै हिंड्यौं जस्तो लाग्छ

गुलाफको तरेलीमा शीतको थोपा परे जस्तो
टल्किने त्यो निधारमा पसिना
सुकाइदिए जस्तो लाग्छ पात हम्की पीपलको
बिसाउनीमा जिन्दगीको पसिना
लत्रेका ती परेलीको सम्झना छ जस्तै लाग्छ
कतै टाढा जाँदाखेरि सँगै हिंड्यौं जस्तो लाग्छ

Author: 
Segments: 
Your rating: None Average: 5 (1 vote)

मेरो बेहोसी आज मेरो लागि पर्दा भो
जो थिए पीर सबै दुख सबै पर्दा भो

यो नशा जिन्दगीको यो हो नशा रक्सीको
के हो यो? पिरती हो नयाँ नयाँ प्रेयसी हो
जे थिए स्वप्न सबै नै पग्लिएर पानी भो
के बिहान साँझ सबै जिन्दगी नै पर्दा भो

मेरो यो मात यहाँ के हो तिमी भनिदेऊ
मेरो यो आश यहाँ के हो तिमी भनिदेऊ
जे थिए यात्राहरु ती अल्झिएर बाधा भो
हराए गीत सबै हार सबै पर्दा भो


स्वर – नारायण गोपाल

Author: 
Segments: 
Your rating: None Average: 3.7 (3 votes)

हजार सपनाहरूको माया लागेर आउँछ
बाँच्ने रहर जस्तो फेरि भएर आउँछ

मैले बाँचेको परिवेश सानो त्यति थिएन
परदेशी जस्तो कोही एक्लो पनि थिएन
अल्झें कहीं त के भो बाटो भुलेको छैन
भाँचिसकेको विश्वास फेरि भएर आउँछ

मेरा ती स्वरहरूलाई थुन्नु त्यति भएन
सबले भुलेको जस्तो भुल्नु पनि भएन
खुसी नै हो क्या हो मनमा भएर आउँछ
छिनमा लहर अनेकौं मनमा उठेर आउँछ


शब्द: ईश्वरबल्लभ
स्वर/ संगीत: भक्तराज आचार्य

Author: 
Segments: 
Your rating: None Average: 5 (2 votes)

मलाई जिन्दगी यो लाग्दछ, तिमी भन्दछौ यो पीर हो
जे छन् सबै ती व्यर्थ छन्, तिंमी भन्दछौ यो प्यार हो

Author: 
Segments: 
Your rating: None Average: 3.7 (6 votes)

यति चोखो यति मीठो दिउँला तिमीलाई माया
बिर्सनेछन् साराले पुराना प्रेमका कथा

मेरो सारा जीवन सबै तिमीलाई
मीठा-मीठा क्षणहरू सबै तिमीलाई
मेरो खुसी मेरो सुख सबै-सबै तिमीलाई

आँखाभित्र बस्नू तिमी छातीमा निदाउनू
सपनीमा पनि मलाई सुस्तरी चियाउनू
सधैं सधैं तिमी मेरी माया बनी आउनू आउनू



शब्द, संगीत - गोपाल योञ्जन
स्वर - नारायण गोपाल

Author: 
Segments: 
Your rating: None Average: 1 (1 vote)

ऊ त गयो खोला पारि यता एक्लै पारी
लहर गन्दै किनारामा कुरिबसैँ आँसु झारी ।

चैतको खहरे उस्को माया मेरो भयो साउनको भेल
बैगुनीले किन खेल्यो जिन्दगीमा हराउने खेल
खोला तरिसकेपछि लौरी भुल्यो माया मारेर
ऊ त गयो खोलापारि यता एक्लै पारी ।

एउटै थियो जीवनको वारिपारि गर्ने डुङ्गा
झारिदियो मझधारमा मुटुमाथि राखी ढुङ्गा
खुसी फुल्ने ओठहरुमा विरहको काँस सारेर
ऊ त गयो खोलापारि यता एक्लै पारी ।

[Shabdankur 117]

Segments: 
Your rating: None Average: 5 (3 votes)

आँसुले मेरो कसैको पीर पखाल्न सक्दो हो
म रुने थिएँ - आँसुकै एउटा सागर जम्दो हो ।
मलाई लाग्छ त्यो पीर तिम्रो छातीमा म लिऊँ,
सृष्टिको बीच फुलेको फूल अोइलिन नदिऊँ ।

सके त तिमी रोएको बेला म पनि रोइदिन्थेँ
छातीको तिम्रो परेको घाउ आँसुले धोइदिन्थेँ
सृष्टिको बीच फुलेकी तिमी मायालु जुहार,
सम्हार बिना अोइलेछ तिम्रो हँसिलो मुहार ।

(छात्र प्रभा, वाराणसी वर्ष ६ अंक ४-२०२२) 

Segments: 
Your rating: None Average: 4.8 (4 votes)

बादल बनाइदेऊ आकार बदल्न सकूँ
क्षमता दिलाइदेऊ जिउँदै म जल्न सकूँ

जाऊँ कसरी जाऊँ आफ्नै लाशको मलामी
चुपचाप सहूँ कसरी आफ्नै बदनामी
सस्तो बनाइदेऊ बजारमा चल्न सकूँ

Author: 
Segments: 
Your rating: None Average: 4.7 (3 votes)

हिँड्याको हामी ता दुई जना
देख्नुलाई राम्रो देश ।

हामीले बाटो खोई भन्दा
कोही कोहीले आर्कै बतायो
साँचु ता आबो थाहा भो
हामीलाई ढाँट्ने फटाहा हो ।

हेर्दामा हामी यस्तो छ
कपटी कुरा ता जान्दैन

Author: 
Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.