Song

बायाँ हातमा राखेँ सारा दुखीलाई
दायाँ हातमा राखेँ मेरा शत्रुलाई
अनि जोडी दुई हात, मेरो भगवान,
तिमीलाई गर्छु प्रणाम ।

तिमीले दिएको सबथोक छ भगवान
खुसी देऊ या आँसु, मञ्जुर छ भगवान
मेरा पापहरूको क्षमा नदेऊ
मलाई सजाय नै मञ्जुर छ भगवान ।

जब सम्म दुई हात केही गर्न सक्छन्
तब सम्म यी हात फैलाई नआऊँ
जब एकदिन म तिमी छेउ आउँछु
संसारमा केही नछाडी नआऊँ ।

---

झरेको पात झैँ भयो उजाड मेरो जिन्दगी
निभेको दीप झैँ भयो उदास मेरो जिन्दगी

खाली निधार हातले छामे काम गर्दागर्दै
कति साल टिको छुट्यो डलर भर्दाभर्दै

मेरी दिदी मेरी बैनी सम्झिएकि छ्यौ कि ?
झझल्कोमा कोही देखे लाग्छ तिमी हौ कि ?

आजै र राती के देखेँ सपना मै मरी गएको
बतास बिना हांगाको फूल भुइँ झरी गएको

मर्स्याङ्ग्दी नदी नरमाईलो सुसाई रहेको
कहाँ हो कहाँ बादल भित्र म रोई रहेको

मेरो गीत मेरै प्रतिविम्व होइन
यो टुटी जाने होइन, जो फुटी जाने होइन
आकाश जस्तो अमर गीत मेरा
म जस्तो दुई दिनको पाहुना होइन

मायालु हजार हुन्छन् तर माया एक हुन्छ
बुझेर माया देऊ, दिन पर्ने एउटै हुन्छ

नेपाली नेपालको माया छ कि छैन ?
धेरै खेल्यौ नेपालको तिमी छाती माझ
तिम्रो छातीमाथि पनि नेपाल छ कि छैन ?