Loading

सागर थियो कुलो बनी सुकेको छ देश/ घमराज लुइँटेल

सागर थियो कुलो बनी सुकेको छ देश
नेपालीकै मुटुभित्र दुखेको छ देश

ढुङ्गो-माटो देखाउँदै नेपाल भन्छन् कोही
यथार्थमा लजाएर लुकेको छ देश

गाँस-वास, कपास छैन, रक्षा पनि छैन
लोकतन्त्रका फोस्रा भाषण भुकेको छ देश

थाप्लामाथि पैतालाका सलामीको मार
शिरको टोपी, हिमालसँगै झुकेको छ देश

कहाँ थिए, कहाँ पुगे छिमेकीलाई हेर
पाइलैपिच्छे मोडमोडमा चुकेको छ देश !

Segments: 

Comments