सधैं सधैं उही कुरा लेख्ता पो त दिक्क लाग्छ / कृष्णहरि बराल

सधैं सधैं उही कुरा लेख्ता पो त दिक्क लाग्छ
जेजे देख्नु हुन्नथ्यो त्यै देख्ता पो त दिक्क लाग्छ

धेरै कुरा पाइएन त्यो त बरू ठीकै थियो
हावा पनि तिनले तेतै छेक्ता पो त दिक्क लाग्छ

ठूलाबडा भनाउँदाले यति ठूलो धर्ती छोडी
गरिबकै शिरमाथि टेक्ता पो त दिक्क लाग्छ

यहीं सधैं हुनुपर्ने प्यारो प्रजातन्त्रलाई
दिल्ली अनि वासिङ्टनमा भेट्ता पो त दिक्क लाग्छ

Segments