Loading

मैले पुण्य मन पराएँ या पाप मन पराएँ / राममान तृषित्

मैले पुण्य मन पराएँ या पाप मन पराएँ
जे होस मैले तिमीलाई चुपचाप मन पराएँ

जब फूल र काँडा दुईटा सँगै रमाउन सक्छ
जब दागको रङ्गमा पनि टिका समाउन सक्छ
नसोध मैले वरदान या श्राप मन पराएँ
जे होस मैले तिमीलाई चुपचाप मन पराएँ

तिमीसँग लिनु पनि छ तिमीलाई दिनु पनि छ
हाम्रो हिसाब-किताबमा सच्याउनु पनि छ
यो हिसाब भुलेर तिमीलाई बेहिसाब मन पराएँ
जे होस मैले तिमीलाई चुपचाप मन पराएँ


स्वर - नारायण गोपाल
संगीत - गोपाल योञ्जन

Segments: 
Author: 

Comments