लाखौँ जुनी कम हुन्छ / गणेश रसिक

No votes yet

लाखौँ जुनी कम हुन्छ
तिमीसँग माया लाउन
तिमीसँग माया लाउन ।

यस्तो लाग्छ मेरो जन्म
समय भन्दा अघि भयो
भाग्य खोज्दै भौँतारिँदै
थाहा नपाई उमेर गयो
यो उमेरमा लाएको माया
उधारो रहन्छ भन्छन्
सत्य साँचो माया लाए
अर्को जुनीमा पाउँछ भन्छन् ।

अर्को जुनी कम हुन्छ
तिमीसँग माया लाउन
तिमीसँग माया लाउन ।

जिन्दगीको आकाशमा
ताराभन्दा सपना धेरै
देखेको सपनाभन्दा
बाँच्ने आयु साह्रै थोरै
सपनाहरु पछ्याउँदा
विरानो ठाउँमा पुगेँ
थकाइ मार्न तिमी पाउँदा
उमेरको भञ्ज्याङमा पुगेँ ।

भञ्ज्याङ बिसाई कम हुन्छ
तिमीसँग माया लाउन
तिमीसँग माया लाउन ।

Author: 
Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.