हिउँखोलाको पानी छुनै नहुने / आभास
हिउँखोलाको पानी छुनै नहुने
लेकको भिरालो बाटो हिंड्नै नहुने
याकको गलामा लाएको
घण्टी त बज्छ टिङ् टिङ्
हाम्रो त लेकमा मधुरो घाम
सधैँ पानीको रिमझिम
बादल आई छानामा
गर्दछ सधैँ छामछुम्
मादल चिसोले ओसिन्छ
डम्फू चैँ बज्छ धुम् धुम्
आङालाई अक्षर थाहा छैन
‘क’बाट के के लेखिन्छ
छिरिङलाई सधैँ पाखामा
घाँसको भारीमा भेटिन्छ
Author:
Segments:
Language:
-
- 1809 reads
Post date:
04/07/2011 - 16:17