घुम्टोले ढाकिएको त्यो मुहार कस्तो होला ?/ रवि प्राञ्जल

Author

घुम्टोले ढाकिएको त्यो मुहार कस्तो होला ?
जनतन्त्रको त्यो नौलो अनुहार कस्तो होला ?

सय चोटले 'सुनार'को, न त सक्छ रूप बदल्न
एक चोट मै बदल्ने त्यो 'लुहार' कस्तो होला ?

जब कोटिकोटी जनको यो आवाज हुन्छ यौटै
तब एकमुठी जनको त्यो गुहार कस्तो होला ?

झलमल्ल घाम लागोस्, अनुहारमा सबैको
रक्तिम बिहानी ल्याउने त्यो जुहार कस्तो होला ?

Segments