Ghazal

Your rating: None Average: 4 (1 vote)

आगोले त पोल्छ-पोल्छ पानीले झन् पोल्छ
बोल्नेले त बोल्छ-बोल्छ नबोल्ने झन् बोल्छ ।

आफूलाई बेच्न खोज्यौ भने बुझिराख
किन्नेले त मोल्छ-मोल्छ नकिन्ने झन् मोल्छ ।

मनमा पर्दा लगाएर बसेका छौं किन ?
नाङ्गोले त खोल्छ-खोल्छ पर्दाले झन् खोल्छ ।

रङ्गीन यो दुनियाँमा आँसुसित रगत
घोल्नेले त घोल्छ-घोल्छ भिज्नेले झन् घोल्छ ।

दुख्ख आए पनि दुख्ख, गए पनि दुख्ख
पीर बसे पनि पिर्छ गए झन् पिरोल्छ ।

एकान्त मन पराउने 'मनु' घुइँचोमा,
एक्लो हुँदा आफूलाई आफैंले छिचोल्छ ।

[Madhuparka Monthly]

Author: 
Segments: 
Your rating: None Average: 5 (1 vote)

मिल्दैन विचार आफ्नो त घरमा
पुरानै छ संस्कार आफ्नो त घरमा ।

बन्ने हो भने यो मरुभूमिको कवि
पाक्दैन परिकार आफ्नो त घरमा ।

छुटेदेखि भएको त्यो एउटा जागिर
हुँदैन सत्कार आफ्नो त घरमा ।

Segments: 
Your rating: None Average: 3 (2 votes)

डायरीका पानाहरू जताभावी केर्‍या छैन ।
सापटीमा आँखा मागी यो दुनियाँ हेर्‍या छैन ।।

फुस्रै भए पनि म त आफ्नै रङमा दङ्ग छु ।
रङ्गीचङ्गी हुनलाई मैले रङ फेरे छैन ।।

Author: 
Segments: 
Your rating: None Average: 1 (1 vote)

हिँड्नु हुन्न त्यै पुरानो चालले अब
फेर्नुपर्छ काँचुली नेपालले अब ।

अस्मिता यो भूमिको अस्तित्व राष्ट्रको
बेच्न नपाओस् कुनै दलालले अब ।

पीर होस् कि हर्ष सँगै भोग्नुपर्दछ
तराई, पहाड र हिमालले अब ।

सुन्नु सुन्यौँ भाटका सङ्गीतका धुन
बज्नुपर्छ नयाँ सुर-तालले अब ।

हामी लक्ष्य भेट्न हिँड्यौँ वेगले भने
रोक्न कहाँ सक्छ र पर्खालले अब ।

Segments: 
Your rating: None Average: 5 (2 votes)

दुस्मन चाहे संसार होस् मेरो
तिम्रै प्रेम आधार होस् मेरो

कि त मर्छु म यही प्रेम रोगले
कि त चाँडै उपचार होस् मेरो

तड्पाउनु पनि त हद हुन्छ
आज बिन्ती उद्धार होस् मेरो

आउने छु म फेरि त्यही मोडमा
कुनै दिन इन्तजार होस् मेरो

एक झलक बस् एक झलकमै
कसरी उडायौ यार होश मेरो?

Segments: 
Your rating: None Average: 4 (3 votes)

यति सम्म प्रीति गरी गरी न यता भएँ न उता भएँ,
न त मन् लिएँ न त दीदिएँ न यता भएँ न उता भएँ ।

न त होस् वास कि राखियो न त फूलको रस चाखियो,
न त याद भो न त स्वाद भो, न यता भएँ न उता भएँ ।

बिनु औसरै सित भेट्नू तरबार लीकन रेट्नू,
न त छिन्दिनू, न त नछिन्दिनू, न यता भएँ न उता भएँ ।

न त साथ बस्न संगी भएँ न दुस्मनै सरि भै गएँ
न पुरानियाँ न त यो नयाँ न यता भएँ न उता भएँ ।

न त खुस् भईकन प्रेम् गरी तन रिस् गरी कन मन् हरी
न यसो गरी न उसो गरी न यता भएँ न उता भएँ ।

 


गायन/संगीत: भक्तराज आचार्य

Your rating: None Average: 5 (3 votes)

थाहाछैन कहिलेको हिसाब छोडी गयो
जिन्दगीले टेबलमा किताब छोडी गयो

आकासबाटै दिन र रात गर्नेहरूलाई
जूनकीरीले सानो यौटा जबाब छोडी गयो

हिउँ जस्तो सम्बन्धमा लाग्न थाल्यो आगो

Author: 
Segments: 
No votes yet

किनारा कहाँ छ यो जिन्दगीको ?
सहारा कहाँ छ यो जिन्दगीको ?

तिमी नबस्दा यो मनको कुनामा
गुजारा कहाँ छ यो जिन्दगीको ?

तलाउ खोज्दै धेरै भो बगेको ,
त्यो रारा कहाँ छ यो जिन्दगीको ?

भरिन्न पेट सान्त्वना ले मात्र ,
त्यो चारा कहाँ छ यो जिन्दगीको ?

घस्री रहेछु म घस्री रहेछु ,
हल्कारा कहाँ छ यो जिन्दगीको ?

Author: 
Segments: 
Your rating: None Average: 3.7 (3 votes)

बतास ठूलै अब चल्न थाल्यो
इमानको त्यो रुख ढल्न थाल्यो

यता न आउ म त अग्निज्वाला
फलाम भन्ने पनि गल्न थाल्यो

गुलाव भन्ने कि गुराँस भन्ने
नयाँ-नयाँ रङ बदल्न थाल्यो

चलाख ठान्थौं भन आज के भो ?

Segments: 
Your rating: None Average: 2.7 (3 votes)

-बुँद राना

सगरमाथा चुली पनि चुरेजस्तो लाग्छ ।
अगस्तीले सबै थोक तुरेजस्तो लाग्छ ।।

जागी सुख हुन्थ्यो कहाँ सुती सुख हुन्थ्यो ?
कानैनिर कुम्भकर्ण घुरेजस्तो लाग्छ !

Author: 
Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.