Ghazal

घरको न घाटको l 
हकदार छ लातको l 

मक्किएको रूखलाई, 
भर हुन्छ र पातको ?

यस्तो कठोर यात्रा एक्लै कटाउँदैछु ।
सम्झेर साथ तिम्रो हिम्मत बढाउँदैछु ।

आकाशमाथि हेर्दा ताराहरू नियाल्दा
बुझ्नू तिमी इशारा माया पठाउँदैछु ।

सम्झनाका छायाँहरू सम्झिर'न पाए पुग्यो
जूनकीरीझैँ अँधेरीमा चम्किर'न पाए पुग्यो

सँगालेर पीडाहरू अँगालेर खुसीहरू
हृदयको गोरेटोमा लम्किर'न पाए पुग्यो

मनको भाखा दिलको लय शब्दबाट पोखिएर

हामीबीचमै कोही दुश्मन लुकिरहेको हुन सक्छ
क्रान्तिको चेपतिर भजन लुकिरहेको हुन सक्छ ।

सबैतिर अमनचैन छ भनेर झुक्याउलान् उनीहरू,
कुना-कन्दरामा अझै जलन लुकिरहेको हुन सक्छ ।

लडाइँ लड्छु भन्नेले आँखा तिखो नपारी कहाँ हुन्छ,
पाइलैपिच्छे बाधा अड्चन लुकिरहेको हुन सक्छ ।

कमाएर खोइ पठाएन फर्किएर आफू आएन,
ल्हासामा बिखर्ची मदन लुकिरहेको हुन सक्छ ।

पागल हो भनेर कति पो पन्छाउने हो उसलाई,
सुन त, बोलीपिच्छे दर्शन लुकिरहेको हुन सक्छ ।