Loading

Ghazal

नजरमा तिमी छाइराख्यौ / ज्ञानुवाकर पौडेल

नजरमा तिमी छाइराख्यौ

याद खूप आइराख्यौ ।

 

सुनिनौ कैले यो दिलको पुकार

दुनियाँको कुरा पत्याइराख्यौ ।

 

देखेर पनि मलाई नचिन्ने

चस्मा कस्तो लगाइराख्यौ ?

 

सँगालेर अरू कसैको सपना

दिलमा मेरो उदाइ राख्यौ ।

 

ठानेथेँ तिम्लाई जीवन साथी

थाङ्नामा पो सुताइराख्यौ

 

माग्दा हिसाब मेरो बैँसको

कुरा किन चपाइराख्यौ ?

 

सुनाएर मलाई मेरै गजल

दिवाना खूब बनाइराख्यौ ।

Segments: 

बिर्सन पनि गाह्रो लाग्छ / ज्ञानुवाकर पौडेल

बिर्सन पनि गाह्रो लाग्छ

सम्झन पनि अप्ठ्यारो लाग्छ ।

 

मन पर्दैन सत्ते फूल मलाई

काँडा बरु प्यारो लाग्छ ।

 

बितेन कहिल्यै रमाइलोसित दिन

भविष्य झन् अँध्यारो लाग्छ ।

 

नपत्याएर कसैले आफूलाई

जिन्दगी यो उधारो लाग्छ ।

 

जता ताके पनि नियतिले

मलाई नै किन तारो लाग्छ ?

Segments: 

चित्त अहो सबैको सानो लाग्यो / ज्ञानुवाकर पौडेल

चित्त अहो सबैको सानो लाग्यो

जमाना यो सारै बिरानो लाग्यो

 

आधुनिक देखिए पनि जीवनशैली

सोचाइ भने उसको पुरानो लाग्यो

 

निमुखाले कहिल्यै न्याय नपाउने

कानुन यहाँको सत्ते कानो लाग्यो

 

दुःखमा कसैलाई सहयोग गर्दा

बनिने पो हो कि अचानो लाग्यो

 

छैन अब कसैमाथि भरोसा मलाई

अँगालो बरू तिम्रै न्यानो लाग्यो ।

Segments: 

नदेखौं क्यारे सपना अब नयाँ आवासको / ज्ञानुवाकर पौडेल

नदेखौं क्यारे सपना अब नयाँ आवासको

निकट छ जब भविष्य मेरो बनवासको

 

थचारिनु परेपछि धर्तीमा नराम्रोसित फेरि

किन देख्नुपर्‍यो सपना त्यो मुक्त आकाशको

Segments: 

यन्त्र झै लाग्छन् शहरका मान्छेहरू / शीतल कादम्बिनी

यन्त्र झै लाग्छन् शहरका मान्छेहरू 

कहाँ छ समवेदना पत्थरका मान्छेहरू

Segments: 

घरीघरी यसै गरी टोलाउँछन् आँखाहरू / प्रभाती किरण

घरीघरी यसै गरी टोलाउँछन् आँखाहरू
भक्कानो छ छातीभरि टोलाउँछन् आँखाहरू ।

गस्तीमा छन् चिलगिद्ध बादल छ आकाशमा
सुरक्षित छैन चरी टोलाउँछन् आँखाहरू ।

ईश्वर छन् कठघरामा, भक्त न्यायाशनमा
चलेको छ मनपरी टोलाउँछन् आँखाहरू ।

आकाङ्क्षाको उडानमा निषेधाज्ञा चलेपछि
झुन्डिएछ हिजो हरि टोलाउँछन् आँखाहरू

मान्छेभित्र मानिसकै बास छैन आजभोलि
यो अनर्थ भो कसरी टोलाउँछन् आँखाहरू ।

Segments: 

सपूतले कर्तव्य त वल्ल आज चिने अरे / बूँद राना

सपूतले कर्तव्य त वल्ल आज चिने अरे ।
लुछाचुँडी गरी–गरी जति पायो लिने अरे ।।

मुद्दामाथि अझै अर्को चर्को मुद्दा थपिंदै छ ।
आफू आफैँ न्यायाधीश बनी मुद्दा छिने अरे ।।

Author: 
Segments: 

ऊ हेर त दौडादौड त्यो, हतार व्यर्थको / श्रेष्ठ प्रिया पत्थर

ऊ हेर त दौडादौड त्यो, हतार व्यर्थको
आफूलाई उठाउने, प्रचार व्यर्थको

गुण छैन, मूल्य छैन, योग्यताको कदर छैन
बिक्ने कुनै छाँट छैन, बजार व्यर्थको

जहाँ छल र बल मात्र, सफलताको साथी हुन्छ

Segments: 

थुप्रै काम गरिस् रासा, के पाइस् खै ?

थुप्रै काम गरिस् रासा, के पाइस् खै ?
धेरै चोटी मरिस् रासा, के पाइस् खै ?

बोटबाट फूल टिप्नु हुन्न भन्छस्
काँडाबीच परिस् रासा, के पाइस् खै ?

जहाँ बस्छस् त्यो महल तेरो हैन

Author: 
Segments: 

रातमा पनि फुलिरहेछ गुलाफको फूल / मनोज न्यौपाने

रातमा पनि फुलिरहेछ गुलाफको फूल
चँद्रमालाई हेरिरहेछ गुलाफको फूल

रिसाएकी प्रेमिकालाई फकाउनलाई कोही
छानीछानी चुँडिरहेछ गुलाफको फूल

Author: 
Segments: 

Pages

Comments

Subscribe to Ghazal