Loading

धुर्त अनुहारले सज्जनको खोल ओढेको हुन्छ / सप्रेम अर्चना

धुर्त अनुहारले सज्जनको खोल ओढेको हुन्छ ।
हरेकको अहंले दर्शनको खोल ओढेको हुन्छ ।

जो रन्थनिएको छ कुसंस्कारको सोचले
त्यही निधारले चन्दनको खोल ओढेको हुन्छ ।

या त हिजै या भोलि टन्न घुस खानेले
आज देखावटी अन्सनको खोल ओढेको हुन्छ ।

सफलता पाउन बुझ्नुपर्छ यो यौटा रहस्य
हरेक अवसरले बन्धनको खोल ओढेको हुन्छ ।

Segments: 

Comments