चराको व्यथा / विप्लब प्रतीक

No votes yet

राति हुचीलले तर्साउँछ
दिनमा मान्छेहरुले 
यो कस्तो रुप धरे 
अचेल मान्छेहरुले ? 
 
उहिले उहिले हामी 
खटप्वालमा गुँड लगाउँथ्यौँ
अचेल प्वालै नहुने घर 
बनाए मान्छेहरुले । यो कस्तो रुप धरे अचेल मान्छेहरुले ?
 
पहिलेका बच्चाहरु 
लुकेर गुलेली बोक्थे
अचेल जन्मैमा बन्दुक उपहार
दिन्छन् मान्छेहरुले । यो कस्तो रुप धरे अचेल मान्छेहरुले ?
 
के गर्नु हजुर यो कलिमा 
कनिका पाइनै छाड्यो
आँगन भए छर्थे कनिका
बरा मान्छेहरुले । यो कस्तो रुप धरे अचेल मान्छेहरुले ?
 
अब त धान खान पनि 
देश चहार्नु पर्छ
कठै घर रोपेका खेतमा
गरीब मान्छेहरुले । यो कस्तो रुप धरे अचेल मान्छेहरुले ?

Author: 
Segments: 

Comments

Recent Comments

About Online Sahitya


Online Sahitya is an open digital library of Nepali Literature | Criticism, Essay, Ghazal, Haiku, Memoir, Personality, Muktak, News, Play, Poem, Preface, Song, Story, Translation & more

© Online Sahitya Digital Library, All rights reserved. Online Sahitya is a digital library dedicated to Nepali Art and Nepali Literature.
For further details contact: onlinesahitya@gmail.com.